کیژێ مەڕۆ جوانی

لە بێ لوتفییەکەت ئەی وەی جەرگم بڕاوە دەی
لە بێ لوتفییەکەت چی بکەم جەرگم بڕاوە دەی

سەید تۆ شاڵت مردم بەرکە بەملاوە دەی
تۆ بیت و خودا گیانم بەرکە بەملاوە دەی
کیژێ مەڕۆ جوانی سێو سەر لکانی چەند لەبەردڵانی

چ خودابەردارە ئەی وەی غەرقم کەی لە غەم دەی
چ خودابەردارە و جوانێ غەرقم کەی لە غەم دەی
مەیلم بدەیە و مردم یان زۆر و یان کەم دەی
کیژێ مەڕۆ جوانی سێو سەر لکانی تۆم ئارامی دڵانی

گیانە قەسەمت دەدەم تۆ حەزرەت عیسا
ئەگەر موسوڵمانی جزیەی من بەسە
ئەگەر مووساییت تۆ بیت و مووسا
ئەگەر عیساییت تۆ بیت و عیسا
گەر موسوڵمانی تۆ بیت و قوڕعان
گیانە ئەگەر سەیزادەی تۆ بی و شاڵی جوان
گیانە بەو چوار مەزهەبە لاڵامۆ جە تۆ
کردمان تۆ ئیسلام باوانەکەم ڕوحمی خێرت بۆ

هەستە لە خەوێ ئەی وەی بزانە چیم دەوێ دەی
هەستە لە خەوێ بمرم بزانە چیم دەوێ دەی
لە گەردنی زەردت ئەسمەر دوو ماچم دەوێ دەی
لە گەردنی زەردت جوانێ دوو ماچم دەوێ دەی
کیژێ مەڕۆ جوانی سێو سەر لکانی باغی حەسەن خانی

Le bê lutfîyeket ey wey cergim birawe dey
Le bê lutfîyeket çî bikem cergim birawe dey

Seyd to şalit mirdim berke bemlawe dey
To bît û xuda gyanim berke bemlawe dey
Kîjê mero cwanî sêw ser likanî çend leberdilanî

Çi xudaberdare ey wey xerqim key le xem dey
Çi xudaberdare û cwanê xerqim key le xem dey
Meylim bideye û mirdim yan zor û yan kem dey
Kîjê mero cwanî sêw ser likanî tom aramî dilanî

Gyane qesemit dedem to hezret ’îsa
Eger musulmanî cizyey min bese
Eger mûsayît to bît û mûsa
Eger ’îsayît to bît û ’îsa
Ger musulmanî to bît û qur’an
Gyane eger seyzadey to bî û şalî cwan
Gyane bew çwar mezhebe lalamo ce to
Kirdiman to îslam bawanekem ruhmî xêrit bo

Heste le xewê ey wey bizane çîm dewê dey
Heste le xewê bimirim bizane çîm dewê dey
Le gerdinî zerdit esmer dû maçim dewê dey
Le gerdinî zerdit cwanê dû maçim dewê dey
Kîjê mero cwanî sêw ser likanî baxî hesen xanî