← گەڕانەوە بۆ پەڕەی هونەرمەند
دوا مەنزڵ
شێرکۆ بێکەس٣٠ چرکە پێشبینین
گوێگرتنی تەواو لە تێلێگرام
تۆ تەنها ٣٠ چرکەی یەکەمی گۆرانییەکە لێرە دەبیستی. بۆ گوێگرتنی تەواو، کۆبات لە تێلێگرام بەکاربهێنە.
دەقی گۆرانی
تۆ هەر بڕۆ هەر بڕۆ هەتاکوو ئەگەیتە ئەستەموڵ لە کەنار بۆسفۆردا ژنێکی سێحراوی لە شێوەی شەهرەزادا ئەبینی کەمەندێ هەڵئەدا و خۆت لادە و نەتگرێ و نەتخاتە ناو داوی لەشیەوە و دەرباز بەو و هەر بڕۆ هەر بڕۆ هەتاکوو ئەگەیتە ئەسینا و لە چەقی سەنتەردا ئەفرۆدیت ئەبینی و ئەیەوێ بتباتە ماڵەوە بەهێز بە و لا مەدە هەر بڕۆ هەتا ئەگەیتە پاریس و لەو شارە شۆخەیشدا تۆ ئەلیزا ئەبینی و ئەیەوێ بە شیعری ئاراگۆن مەستت کا و لا بدەی لا مەدە، هەر بڕۆ هەر بڕۆ هەتا ئەگەیتە شاجوانی شارێکی گوێ زەریا پۆلێ کچی نیوە ڕووت دێنە سەر ڕێگاکەت باوەشت پیا ئەکەن حەز ئەکەن بۆ شەوێ بتخەنە ناو سنگ و بەرۆکیانەوە بەهێز بە و لا مەدە و هەر بڕۆ و هەر بڕۆ ئەچیتە زەریاوە تۆ ئەبی بە ماسی و هەر بڕۆ هەفتەیەک، دوو هەفتە، زیاتریش نە لە لای مرواری و نە لە لای مەرجان و نە لە لای ئەستێرە و نە لە لای بەحریش لا مەدە هەتا ئەگەیتە وشکانییەکانی یو.س.ئەی هەر بڕۆ هەر بڕۆ و هەتا فێرفاکس ئەچیتە بەردەمی خانوویەکی دوو نهۆم لێرەدا لا بدە و سەرکەوە خۆت ئەکەی بە ماڵێکدا نە لە ژوور نە لە هۆڵ لا مەدە ئەمجارە لا بدە و ئەچیتە موبەقێ خۆیەتی ژنێکی لاوازی سەر لەرزۆک وەکوو پاییز پێست چرچ و چاوکز و فەقیانە هەڵکراو ئەبینی شەفیقە سەعیدە، خۆیەتی و ماچی کە و ماچی کە و ئەمجارە دانیشە و هەر مەڕۆ
To her biro her biro Hetakû egeyte estemul Le kenar bosforda jinêkî sêhrawî Le şêwey şehrezada ebînî Kemendê hel’eda û xot lade û netgirê û Netxate naw dawî leşyewe û Derbaz bew û her biro Her biro Hetakû egeyte esîna û le çeqî Senterda efrodît ebînî û eyewê Bitbate malewe behêz be û la mede Her biro heta egeyte parîs û Lew şare şoxeyşda to elîza ebînî û Eyewê be şî’rî aragon mestit ka û La bidey La mede, her biro Her biro Heta egeyte şacwanî şarêkî Gwê zerya polê kiçî nîwe rût Dêne ser rêgaket baweşt pya eken Hez eken bo şewê bitxene naw sing û berokyanewe behêz be û la mede û her biro û Her biro Eçîte zeryawe To ebî be masî û her biro Hefteyek, dû hefte, zyatrîş Ne le lay mirwarî û ne le lay mercan û Ne le lay estêre û ne le lay behrîş la mede Heta egeyte wişkanîyekanî yu.s.ey Her biro her biro û heta fêrfakis Eçîte berdemî xanûyekî dû nihom Lêreda la bide û serkewe Xot ekey be malêkda Ne le jûr ne le hol la mede Emcare la bide û eçîte mubeqê Xoyetî jinêkî lawazî ser lerzok wekû payîz Pêst çirç û çawkiz û feqyane helkiraw ebînî Şefîqe se’îde, xoyetî û Maçî ke û maçî ke û Emcare danîşe û her mero