شەمی شەوان

هەی شەمی شەوان هەی شەمی شەوان
هەی شەمی بە شەوق چلچرای شەوان
هەی ژیانی من هەی ڕۆحی ڕەوان
هەی گلێنەکەی دیدەی بێخەوان

هەی عەنبەرین خاڵ سۆسەنی کڵاف
هەی ڕووناکایی ڕەشماڵانی جاف
هەی من پەروانەی پەڕ سووتاوی تۆ
هەی من گیرۆدەی زۆلفی خاوی تۆ

تۆ جارێ نایەی بۆ سەر وەختی من
گوێ نادەی بە ئاهـ زامی سەختی من
ناپرسی ئاخۆ من بۆ تۆ چۆنم
بێباکی لە تین قرچەی دەروونم

بێ مروەتیت کرد ئەی شەم دەربارەم
من بۆ تۆ قەیسی سیا ستارەم
هەوای کوێستانت وا بۆ بووەوە
حەیفت کرد منت لە بیر چووەوە

Hey şemî şewan hey şemî şewan
Hey şemî be şewq çilçiray şewan
Hey jiyanî min hey rohî rewan
Hey gilênekey dîdey bêxewan

Hey enberîn xal sosenî kilaf
Hey rûnakayî reşmalanî Caf
Hey min perwaney per sûtawî to
Hey min gîrodey zolfî xawî to

To carê nayey bo ser wextî min
Gwê nadey be ah zamî sextî min
Napirsî axo min bo to çonim
Bêbakî le tîn qirçey derûnim

Bê mirwetît kird ey şem derbarem
Min bo to qeysî sîya sitarem
Heway kwêstanit wa bo buwewe
Heyfit kird minit le bîr çuwewe