خاکی کووچەی یارەکەم ٢

خاکی کووچەی یارەکەم ئکسیری ساغی و ژینمە

جوانی ڕوخسار و نگاری هێزی ئەژنۆ و تینمە

بۆچی بەم دەردەم ئەبا  خۆ خۆی ئەزانێ حاڵەکەم

بۆ قژی ئاڵۆز و لوولی دایمە هەر شینمە

هەر وەکوو پووش و پەڵاش کەوتووم لە کووچەی یاردا

گێژەلووکەش نامفڕێنێ چوونکە کەعبەی دینمە

گەر بە بێ تۆ بچمە سەیری سەرو و باخ و شۆڕەبی

تف لە سەرو و شۆڕەبی، بێ تۆ لە هەردوو قینمە

خەڵک ئەڵێن کفرە مەکە بەم تەرحە مەدحی یاری خۆت

گوێگرانی خۆشەویست من یارەکەم ئایینمە

Xakî kuçey yarekem iksîrî saxî û jînime

Ciwanî ruxsar û nigarî hêzî ejno û tînime

Boçî bem derdem eba  xo xoy ezanê halekem

Bo qijî aloz û lûlî dayime her şînime

Her wekû pûş û pelaş kewtûm le kûçey yarda

Gêjelûkeş namfirênê çûnke ke’bey dînime

Ger be bê to biçme seyrî seru û bax û şorebî

Tif le seru û şorebî, bê to le herdû qînime

Xelk elên kifre meke bem terhe medhî yarî xot

Gwêgiranî xoşewîst min yarekem ayînime