مزگێنی بەهار

مزگێنی دا بە سروە بای بەهاری
وا هاتەوە نەورۆزی کوردەواری
بە تیشکە تێکشکا سوپای کڕێوە
هەواری ڕۆژ گەیشتە خاکەلێوە
فەرمان درا بە سەوزە سەر هەڵێنێ
چیدی لە بەندی خاکی ڕەش نەمێنێ
مزگێنی دا بە سروە بای بەهاری
وا هاتەوە نەورۆزی کوردەواری

با دەرکەون کۆڵ و کەسەر بنێژن
با ڕۆژی ڕزگاری بکەن بە جێژن
شەماڵ گەواڵ گەواڵ هەور بنێرێ
ئاهەنگ و بەزمی جەژنی پێ بسپێرێ
مزگێنی دا بە سروە بای بەهاری
وا هاتەوە نەورۆزی کوردەواری

شەماڵ گاڵە گاڵیەتی و لە کارە
هەڵگرنەوە شاباشی شای بەهارە
هەور لە دەشت و شیو و پۆپە شاخان
کردی بە تۆپ تەقاندن و چراخان
مزگێنی دا بە سروە بای بەهاری
وا هاتەوە نەورۆزی کوردەواری

Mizgênî da be sirwe bay beharî
Wa hatewe newrozî kurdewarî
Be tîşke têkişika supay kirêwe
Hewarî roj geyişte xakelêwe
Ferman dira be sewze ser helênê
Çîdî le bendî xakî reş nemênê
Mizgênî da be sirwe bay beharî
Wa hatewe newrozî kurdewarî

Ba derkewin kol û keser binêjin
Ba rojî rizgarî biken be cêjin
Şemal gewal gewal hewr binêrê
Aheng û bezmî cejnî pê bispêrê
Mizgênî da be sirwe bay beharî
Wa hatewe newrozî kurdewarî

Şemal gale galyetî û le kare
Helgirnewe şabaşî şay behare
Hewr le deşt û şîw û pope şaxan
Kirdî be top teqandin û çiraxan
Mizgênî da be sirwe bay beharî
Wa hatewe newrozî kurdewarî