کیژی لادێ

کیژی لادێ هام بە تاسەی پەلکەی ڕەش سەر شانەکەت
هام بە تاسەی دەم بەیانی بۆی تەنووری نانەکەت
هام بە تاسەی بۆنی مێخەک تۆی تورەنجی شاڵەکەت
ڕەنگی سوخمە و سینەپۆش و بازنە و خڕخاڵەکەت

سەردەمێکە دوور لە باڵات وا لە شارانا ئەژیم
ژین؟ چ ژینێ؟ چاوەکانم گیرووەی ئاخر شەڕیم

کیژی لادێ سەختە دووریت، وا بە ڕەنجی ڕۆژگار
ناخۆشە دووری وڵات و ناحەزە ژینم لە شار
کیژی لادێ وەختە جەرگم پڕ بە دڵ بێ بە کەواو
هێندە تینوی ئاوی کانی و هام بە تاسەی کانی ئاو
دڵتەنگم بۆ لێوی ئاڵ و دوو دیدە شەرمینەکەت
بۆ دەم ئێوارانی حەوش و سۆزی مەڕ دۆشینەکەت
کیژی لادێ هام بە تاسەی پەلکەی ڕەش سەر شانەکەت
هام بە تاسەی بۆنی مێخەک تۆی تورەنجی شاڵەکەت
هام بە تاسەی دەم بەیانی بۆی تەنووری نانەکەت
ڕەنگی سوخمە و سینەپۆش و بازنە و خڕخاڵەکەت

Kîjî ladê ham be tasey pelkey reş ser şaneket
Ham be tasey dem beyanî boy tenûrî naneket
Ham be tasey bonî mêxek toy turencî şaleket
Rengî suxme û sînepoş û bazine û xirxaleket

Serdemêke dûr le balat wa le şarana ejîm
Jîn? Çi jînê? Çawekanim gîruwey axir şerîm

Kîjî ladê sexte dûrît, wa be rencî rojgar
Naxoşe dûrî wlat û naheze jînim le şar
Kîjî ladê wexte cergim pir be dil bê be kewaw
Hênde tînuy awî kanî û ham be tasey kanî aw
Diltengim bo lêwî al û dû dîde şermîneket
Bo dem êwaranî hewş û sozî mer doşîneket
Kîjî ladê ham be tasey pelkey reş ser şaneket
Ham be tasey bonî mêxek toy turencî şaleket
Ham be tasey dem beyanî boy tenûrî naneket
Rengî suxme û sînepoş û bazine û xirxaleket