کچۆڵەی بە ناز

کچۆڵەی بە ناز کچۆڵەی بە ناز بە ناز بە ناز
بازی عیشوەباز دۆستی شەکەر ڕاز هەی ڕاز هەی ڕاز
جوانی بێناو و نیشانی تۆ گوڵی مانگی نیسانی
ئاخ ئازیزم نازەنین خۆشەویستەکەی من
نازەنین چاو بە خومار دڵدارەکەی من

پێکەنینەکەت بۆ زامار هەم ساز هەی ساز هەی ساز
شەهێنی شاهی سەرقوللەی پێ باز پێ باز پێ باز
تۆ سروەی بەری بەیانی تۆ ئاواتی دڵ و گیانی
ئاخ ئازیزم نازەنین نازدارەکەی من
خۆشەویست چاو بە خومار دڵدارەکەی من

ڕەنگی ڕوخسارت بەیانیی بەهار بەهار بەهار
کەوانەی پەرگار دەستی کردگار هەی یار هەی یار
ماچی گۆنای نەختێ ئاڵت پەنجە و پاوانەی جوانت
ئاخ ئازیزم نازەنین نازدارەکەی من
خۆشەویست چاو بە خومار دڵدارەکەی من

گوارە کەوتۆتە ژێر ئەگریجەی خاو هەی خاو هەی خاو
هەڵاوەسراوە لە خوێن داگیراو گیراو گیراو
بۆ خونچەی هەناری سینەی دڵ دەناڵێنێ وەکوو نەی
ئاخ ئازیزم نازەنین نازدارەکەی من
خۆشەویست چاو بە خومار دڵدارەکەی من

Kiçoley be naz kiçoley be naz be naz be naz
Bazî ’îşwebaz dostî şeker raz hey raz hey raz
Cwanî bênaw û nîşanî to gulî mangî nîsanî
Ax azîzim nazenîn xoşewîstekey min
Nazenîn çaw be xumar dildarekey min

Pêkenîneket bo zamar hem saz hey saz hey saz
Şehênî şahî serqulley pê baz pê baz pê baz
To sirwey berî beyanî to awatî dil û gyanî
Ax azîzim nazenîn nazdarekey min
Xoşewîst çaw be xumar dildarekey min

Rengî ruxsarit beyanîy behar behar behar
Kewaney pergar destî kirdigar hey yar hey yar
Maçî gonay nextê alit pence û pawaney cwanit
Ax azîzim nazenîn nazdarekey min
Xoşewîst çaw be xumar dildarekey min

Gware kewtote jêr egrîcey xaw hey xaw hey xaw
Helawesrawe le xwên dagîraw gîraw gîraw
Bo xunçey henarî sîney dil denalênê wekû ney
Ax azîzim nazenîn nazdarekey min
Xoşewîst çaw be xumar dildarekey min