یار دەڕوا و بەجێم دێڵێ

چاوت ئەستێرەی جەدییە* و ئاگات لە حاڵی من نییە
لە قیامەتێ جوابت چییە و هەر دەڕوا و بەجێم دێڵێ
لە قیامەتێ جوابت چییە سەروبەرگی فەڕەنگییە

ئەرێ هەموو جومعان پاش سەڵایە دوو شت خۆشن لە دونیایە
ئیمان و چاوی لەیلایە هەی ئیمان و چاوی لەیلایە

ئەرێ خەبەر بەرن بۆ خزمانم ئاورێگ بەر بووەتە خەرمانم
لێم زیزبووە مێهرەبانم هەر دەڕوا و بەجێم دێڵێ
لێم زیزبووە مێهرەبانم دێم ماچی کەم نامهێڵێ

ئەرێ ئارەقی دەستی ئەسمەر بێ
ژەهری هەژدیهای حەوت سەر بێ
دەیخۆمەوە قەسەتەسەر بێ وا ڕۆی و بەجێی هێشتم
دەیخۆمەوە قەسەتەسەر بێ شەرابی مەرگی پێ چێشتم

جێم نییە تیا بسرەوم خاکم وە سەر بێلانە خۆم
بێکەس و بێدەر بێ یار و هاودەم بێ مەی و مەیخانە خۆم
ئیرسی مەجنوونە خەڵاتم ئاوارەی ئەو کێوانە خۆم
موستەحەقی تیر و تانەی ئاشنا و بێگانە خۆم

ئەرێ قەستەم بەوەی یاری جوانە لە نێو جەحێڵان سوڵتانە
کە دەمرێت ساحەب ئیمانە هەر دەڕوا و بەجێم دێڵێ
کە دەمرێت ساحەب ئیمانە دێم ماچی کەم نامهێڵێ

ئەرێ قەستەم بە ڕەحمان و ڕەحیم هەتا لەو دونیایەی دەژیم
نانێم مەیلی یاری قەدیم خۆ ڕۆی و بەجێی هێشتم
نانێم مەیلی یاری قەدیم شەرابی مەرگی پێ چێشتم

Çawit estêrey cedîye û agat le halî min nîye
Le qyametê cwabit çîye û her derwa û becêm dêlê
Le qyametê cwabit çîye serubergî ferengîye

Erê hemû cum’an paş selaye dû şit xoşin le dunyaye
Îman û çawî leylaye hey îman û çawî leylaye

Erê xeber berin bo xizmanim awrêg ber buwete xermanim
Lêm zîzbuwe mêhrebanim her derwa û becêm dêlê
Lêm zîzbuwe mêhrebanim dêm maçî kem namhêlê

Erê areqî destî esmer bê
Jehrî hejdîhay hewt ser bê
Deyxomewe qeseteser bê wa roy û becêy hêştim
Deyxomewe qeseteser bê şerabî mergî pê çêştim

Cêm nîye tya bisrewm xakim we ser bêlane xom
Bêkes û bêder bê yar û hawdem bê mey û meyxane xom
Îrsî mecnûne xelatim awarey ew kêwane xom
Musteheqî tîr û taney aşna û bêgane xom

Erê qestem bewey yarî cwane le nêw cehêlan sultane
Ke demrêt saheb îmane her derwa û becêm dêlê
Ke demrêt saheb îmane dêm maçî kem namhêlê

Erê qestem be rehman û rehîm heta lew dunyayey dejîm
Nanêm meylî yarî qedîm xo roy û becêy hêştim
Nanêm meylî yarî qedîm şerabî mergî pê çêştim