یارم گەردنکێلە

شەماڵ هات بای بەهارە
پاماڵ دەکا پەژارە
تێکیان پێچا هەوارچی
مەنزڵیان قەراغ شارە
لە نێو کیژی ئەو عێلەی
دوو چاوی یارم دیارە

یارم هاتە نێو شاری
بار دەکەن بۆ هەواری
تێکەڵ بوون لە قەندیلی
عێلی سوورچی و زوراری
کز و گردەنشینم
لە سوێی چاوی بە خوماری

یاری من گەردنکێلە
منداڵکارە و جەحێڵە
قەولی پێ دام بیبینم
بڕێکم لێ لە فێڵە
وەک مانگی شەوی چاردەی
دیارە لە نێو ئەو عێلە

 کەزیەی وەکوو ڕەشمارە
سینگی باخچەی هەنارە
گێلگێلە و دەسرە و شەدە
عەڵقە و دەرزیلە و گوارە
هەر لە یارێ من جوانن
خوێنشیرنە و منداڵکارە

کاتێ ڕۆیی بۆ کانی
چوومە سەیری چاوانی
تاق بوومەوە لە ماڵان
دوور بوومەوە لە ئاوەدانی
ئاوڕی داوە بۆ لام بێ
عەللامەی دایکی زانی

سەد بریا نەمدیبایە
تازە غەم بە کار نایە
حۆریی بەهەشتێم دەنێ
دەگەڵ ماڵی دنیایە
هەردوو دنیام پێ دەدا
گەر چاوی یارێم بایە

Şemal hat bay behare
Pamal deka pejare
Têkyan pêça hewarçî
Menzilyan qerax şare
Le nêw kîjî ew ’êley
Dû çawî yarim dyare

Yarim hate nêw şarî
Bar deken bo hewarî
Têkel bûn le qendîlî
’êlî sûrçî û zurarî
Kiz û girdenşînim
Le swêy çawî be xumarî

Yarî min gerdinkêle
Mindalkare û cehêle
Qewlî pê dam bîbînim
Birêkim lê le fêle
Wek mangî şewî çardey
Dyare le nêw ew ’êle

 kezyey wekû reşmare
Sîngî baxçey henare
Gêlgêle û desre û şede
’elqe û derzîle û gware
Her le yarê min cwanin
Xwênşîrne û mindalkare

Katê royî bo kanî
Çûme seyrî çawanî
Taq bûmewe le malan
Dûr bûmewe le awedanî
Awrî dawe bo lam bê
’ellamey daykî zanî

Sed birya nemdîbaye
Taze xem be kar naye
Horîy beheştêm denê
Degel malî dinyaye
Herdû dinyam pê deda
Ger çawî yarêm baye