چارەی خەمی من

چارەی خەمی من مەی نییە مەیخانە بڵێ چی
بەو دەردەوە مەی نامگرێ مەیخانە بڵێ چی
پێم وا نییە لەو دەردەوە فریام بکەوێ کەس
ئەو دۆست بوو وەفای بۆم نەبوو بێگانە بڵێ چی

هەر عاشقە سووچیشی نەبێ ئەیخەنە ئەستۆی
شەم ئاگری کردۆتەوە پەروانە بڵێ چی
تاوانی منە دەربەدری و دەردیسەری من
مەل خۆی سەری خۆی هەڵگرێ هێلانە بڵێ چی

چارەی خەمی من مەی نییە مەیخانە بڵێ چی
بەو دەردەوە مەی نامگرێ مەیخانە بڵێ چی

Çarey xemî min mey nîye meyxane bilê çî
Bew derdewe mey namgirê meyxane bilê çî
Pêm wa nîye lew derdewe firyam bikewê kes
Ew dost bû wefay bom nebû bêgane bilê çî

Her ’aşiqe sûçîşî nebê eyxene estoy
Şem agirî kirdotewe perwane bilê çî
Tawanî mine derbedrî û derdîserî min
Mel xoy serî xoy helgirê hêlane bilê çî

Çarey xemî min mey nîye meyxane bilê çî
Bew derdewe mey namgirê meyxane bilê çî