کاروانی خەم

بە تەنیایی بە بێ چرپە لە گۆشەی خەما وەستاوم
ئەگریم بە کوڵ وەکوو هەور فرمێسک ئەبارێنێ چاوم
ئاخ چاوم
ڕێگا دوورە تەمەن کورتە هەتا بڕۆم هەر پێناگەم پێناگەم
کە من ئەژیم بۆچی ئەمرم لەم ژیانە من تێناگەم من تێناگەم

ڕووناکیی ئاسمانی ژینم تاریکییەکی چین چینە
ڕۆژگارێکم ڕۆژم لە شەو، شەوم لە ڕۆژم بە قینە
هەر ورتەم دێ و هاوار ئەکەم هەر وا خۆشم لە خۆم ناگەم
هەر جووڵەم دێ و لە ڕێگادام هەرچەند دەکەم بە خۆم ناگەم

کە جار بە جار پێئەکەنم مەزانە دڵخۆشم، هەرگیز
چونکە ئەزانم دوای بەهار تەمەن دەڕوا بەرەو پاییز
بەڵێ گیانە ژیان وایە کەسێ گەر خەمی نەبێ نابێ
کەچی تازە دێوانەی دڵ گەر باڵای شەم نەبێ نابێ

Be tenyayî be bê çirpe le goşey xema westawim
Egrîm be kul wekû hewr firmêsk ebarênê çawim
Ax çawim
Rêga dûre temen kurte heta birom her pênagem pênagem
Ke min ejîm boçî emirim lem jyane min tênagem min tênagem

Rûnakîy asmanî jînim tarîkîyekî çîn çîne
Rojgarêkim rojim le şew, şewm le rojim be qîne
Her wirtem dê û hawar ekem her wa xoşim le xom nagem
Her cûlem dê û le rêgadam herçend dekem be xom nagem

Ke car be car pê’ekenim mezane dilxoşim, hergîz
Çunke ezanim dway behar temen derwa berew payîz
Belê gyane jyan waye kesê ger xemî nebê nabê
Keçî taze dêwaney dil ger balay şem nebê nabê