دووری

کەسەکانم من بێ ئێوە مناڵێکم بە بێ باوک
هاوڕێکانم من بێ ئێوە کۆرپەیەکم بە بێ دایک
دوورم بەڵام ئەزیزانم هاودەمی ڕۆژ و شەوتانم
بە ڕۆح هەمیشە لاتانم هاودەمی ڕۆژ و شەوتانم
دوورم بەڵام ئەزیزانم هاودەمی ڕۆژ و شەوتانم
دوورم بەڵام ئەزیزانم من هەمیشە لە لاتانم

کاتێ چاوی گەشی هەتاو دنیا نیگاباران ئەکا
کاتێ خوڕەی ماچی باران کێڵگەی تینوومان ئاو ئەدا
کاتێ ویژدان هاواری هەق بە گوێی تاوانا هەڵ ئەدا
بیرتان ئەکەم ئەزیزانم هاودەمی ڕۆژ و شەوتانم
بیرتان ئەکەم ئەزیزانم من هەمیشە لە لاتانم

کەسەکانم لە دووریتان من هەموو ساتێکم مەرگە
دەسا پارەی من بۆ نەورۆز چاوە گیانە، دڵە، جەرگە
تاسەی دووری و سۆزی ئێوە لە ناو خەزێنەی دڵمایە
خەمی گەورەی عەشقی ئێوە هەموو ساتێ لە دڵمایە
خەمی گەورەی عەشقی ئێوە هەموو ساتێ لەگەڵمایە

ئەگەر ئێوە پاییزێ بن منیش گەڵایێکی زەردم
ئەگەر ئێوە بەهارێ بن منیش گوڵێکی بێگەردم
ئێوە کەنار من شەپۆلم ئێوە خاکن منیش خۆڵم
دوورم بەڵام ئەزیزانم بە ڕۆح هەمیشە لاتانم
دوورم بەڵام ئەزیزانم هاودەمی ڕۆژ و شەوتانم
بیرتان ئەکەم ئەزیزانم هاودەمی ڕۆژ و شەوتانم

Kesekanim min bê êwe minalêkim be bê bawik
Hawrêkanim min bê êwe korpeyekim be bê dayk
Dûrim belam ezîzanim hawdemî roj û şewtanim
Be roh hemîşe latanim hawdemî roj û şewtanim
Dûrim belam ezîzanim hawdemî roj û şewtanim
Dûrim belam ezîzanim min hemîşe le latanim

Katê çawî geşî hetaw dinya nîgabaran eka
Katê xurey maçî baran kêlgey tînûman aw eda
Katê wîjdan hawarî heq be gwêy tawana hel eda
Bîrtan ekem ezîzanim hawdemî roj û şewtanim
Bîrtan ekem ezîzanim min hemîşe le latanim

Kesekanim le dûrîtan min hemû satêkim merge
desa parey min bo newroz çawe gyane, dile, cerge
Tasey dûrî û sozî êwe le naw xezêney dilmaye
Xemî gewrey ’eşqî êwe hemû satê le dilmaye
Xemî gewrey ’eşqî êwe hemû satê legelmaye

Eger êwe payîzê bin minîş gelayêkî zerdim
Eger êwe beharê bin minîş gulêkî bêgerdim
Êwe kenar min şepolim êwe xakin minîş xolim
Dûrim belam ezîzanim be roh hemîşe latanim
Dûrim belam ezîzanim hawdemî roj û şewtanim
Bîrtan ekem ezîzanim hawdemî roj û şewtanim