دابڕان

لەو ڕۆژەوەی دوای لێکئاڵان کە وەک با و باخ لێک بووینەوە
ئیتر گوڵم لە کونجێکا من عومری خۆم ئەخۆمەوە
بەڵێ ئێستاش من و کونجی مەیخانەیەک بۆ یەک ئەژین
دەم بە هانا دەم بە هاوار تەریقەتە و بۆ یەک ئەمرین

ئەو هەناسەی پڕ لە شووشەی دەستی سەوزی سەرخۆشانە
منیش ڕۆحم پڕ لە شیعری فەسڵی تازەی دابڕانە
ئەو شەوانە تا درەنگان لە ناو ماڵی بەدمەستانە
منیش تا دێر سەر و چاوم ئەڵێی کزی دەروێشانە

ئەو لێوانە لە چیرۆکی خێڵە گەنجی خێر نەدیوە
منیش نغرۆی ژیانێکم ئاخ بێ یار و بێ پشتیوان
دەسا خوایە لە دۆزەخی عومری خاڵی نەجاتم بە
وەک یارەکەم لە دەس یاریی یاری بێ ئار نەجاتم بە

Lew rojewey dway lêk’alan ke wek ba û bax lêk bûynewe
Îtir gulim le kuncêka min ’umrî xom exomewe
Belê êstaş min û kuncî meyxaneyek bo yek ejîn
Dem be hana dem be hawar terîqete û bo yek emrîn

Ew henasey pir le şûşey destî sewzî serxoşane
Minîş rohim pir le şî’rî feslî tazey dabrane
Ew şewane ta direngan le naw malî bedmestane
Minîş ta dêr ser û çawim elêy kizî derwêşane

Ew lêwane le çîrokî xêle gencî xêr nedîwe
Minîş nixroy jyanêkim ax bê yar û bê piştîwan
Desa xwaye le dozexî ’umrî xalî necatim be
Wek yarekem le des yarîy yarî bê ar necatim be