چاوجوان بە قوربانت بم

لەبەر گاراج بووم و یارم سوار بوو
غەم و مەراق و داخ لە دڵێ من بار بوو
سەری هەڵێنا بیللا جێی گازم دیار بوو
چاوجوانێ بە قوربانت بم
ڕێم بکە دەس لە ملانت بم
بە شەوێ بە میوانت بم

سەرێ هەڵێنە گیانە ڕوو لە خودا کە
تەماشای قاپییەکەی غەوسی بەغدا کە
بەس لەوە زیاتر من شێت و شەیدا کە
چاوجوان بە قوربانت بم
ڕێم بکە دەس لە ملانت بم
بە شەوێ بە میوانت بم

نێرین دەڕوا بۆ عێران جێگای من قەسرە
عاشقی باڵای بووم بە بیللا غەدرە
پێم گوت وەرە بۆ ژوان پێی گوتم عەسرە
چاوجوان بە قوربانت بم
ڕێم بکە شەو میوانت بم
بەڵکم دەست لە ملانت بم

دەترسم بمرم من تۆ نەبینمەوە
بە جوانەمەرگی من سەر بنێمەوە
چاوجوان بە قوربانت بم
ڕێم بکە شەو میوانت بم
بەڵکم دەس لە ملانت بم

ماڵ وا لە تاران خۆم لە سولەیمانی
عاشقی باڵاتم بۆچ پێ نازانی
بە دین و بە ملم زۆر زێدە جوانی
خودا قسمەت بکەی ببمە میوانی
چاوجوان بە قوربانت بم
ڕێم بکە دەس لە ملانت بم
بەڵکم ئاخ شەو دەس لە ملانت بم

بەبێ تەزکەرە و من بەبێ جنسییە
خوداگیر تۆ بڕۆ کارت لێرە چییە
عەسکەر پێت ناڵێ وەڵا کامە ئەو هەوییە
پێم گوت ئەی هاوار عەڵاجەوییە
چاوجوان بە قوربانت بم
ڕێم بدە دەس لە ملانت بم
بە شەوێ بە قوربانت بم

Leber garac bûm û yarim swar bû
Xem û meraq û dax le dilê min bar bû
Serî helêna bîlla cêy gazim dyar bû
Çawciwanê be qurbanit bim
Rêm bike des le milanit bim
Be şewê be mîwanit bim

Serê helêne gyane rû le xuda ke
Temaşay qapîyekey xewsî bexda ke
Bes lewe zyatir min şêt û şeyda ke
Çawciwan be qurbanit bim
Rêm bike des le milanit bim
Be şewê be mîwanit bim

nêrîn derwa bo ’êran cêgay min qesre
’aşiqî balay bûm be bîlla xedre
Pêm gut were bo jwan pêy gutim ’esre
Çawciwan be qurbanit bim
Rêm bike şew mîwanit bim
Belkim dest le milanit bim

Detirsim bimirim min to nebînmewe
Be cwanemergî min ser binêmewe
Çawciwan be qurbanit bim
Rêm bike şew mîwanit bim
Belkim des le milanit bim

Mal wa le taran xom le suleymanî
’aşiqî balatim boç pê nazanî
Be dîn û be milim zor zêde cwanî
Xuda qismet bikey bibme mîwanî
Çawciwan be qurbanit bim
Rêm bike des le milanit bim
Belkim ax şew des le milanit bim

Bebê tezkere û min bebê cinsîye
Xudagîr to biro karit lêre çîye
’esker pêt nalê wela kame ew hewîye
Pêm gut ey hawar ’elacewîye
Çawciwan be qurbanit bim
Rêm bide des le milanit bim
Be şewê be qurbanit bim