لباسێ عەرووس

خەوەر دانە پیم لباسێ عەرووس لە وەر کردیدە
تەنیا و بیکەس هیشتیدەمە جی وەی شەرە چیدە
ئمشەو چەن شەوە حاڵم خراوە دەردم کارییە
دەوای دەردەگەم دوسێ عەزیزم گریە و زارییە

سەر وە لیم شیویاس بی تۆ زندگیم شین و واوەیلاس
چەوم پڕ وە ئەشک هاوار ئەی خودا دوس و لیم توریاس
کاشکی باتیای وە چاوەیلێ خوەد ئەشکم بۊنیای
جور جارێ جاران دوسێ ئەزیزم ئەڕام بخەنیای

کاشکی باتیای جورێ هەمیشە دەسم بگردیای
لە ناو ئی قەم و دەر و ماتەمە تۆ نجاتم بیاتیای
سەردی هەناسەم چەرخێ زەمانە دەراورد لە پا
بەعدەز تۆ نازار نیەتوام بمینم لە ناو ئی دونیا

خەوەر دانە پیم لباسێ عەرووس لە وەر کردیدە
تەنیا و بیکەس هیشتیدەمە جی وەی شەرە چیدە
حەڵاڵد نیەکەم پشتم شکانی لە جەور و جەفا
نفرینم یەسە جو من وە پید بای یارێ بیوەفا

Xewer dane pîm libasê ’erûs le wer kirdîde
Tenya û bîkes hîştîdeme cî wey şere çîde
Imşew çen şewe halim xirawe derdim karîye
Deway derdegem dusê ’ezîzim girye û zarîye

Ser we lîm şîwyas bî to zindigîm şîn û waweylas
Çewm pir we eşk hawar ey xuda dus û lîm turyas
Kaşkî batyay we çaweylê xwed eşkim bünyay
Cur carê caran dusê ezîzim eram bixenyay

Kaşkî batyay curê hemîşe desim bigridyay
Le naw î qem û der û mateme to nicatim byatyay
Serdî henasem çerxê zemane derawird le pa
Be’dez to nazar nyetwam bimînim le naw î dunya

Xewer dane pîm libasê ’erûs le wer kirdîde
Tenya û bîkes hîştîdeme cî wey şere çîde
Helald nyekem piştim şikanî le cewr û cefa
Nifrînim yese cu min we pîd bay yarê bîwefa