سەیزادە دوعام لێ دەکا

خەبەر ڕۆیوە بۆ خزمانم
ئاورێک بەربووە لە خەرمانم
شێواوە دەری بابانم
یەکیان نەما بۆ دەرمانم
سەیزادە دوعام لێ دەکا
ئای بریندارم دەرمانم کە
یان ئەسیری پابەندانم کە

وێڵی کوێستانی بێستوونم
عاشقی گەنجی فەرەیدونم
لە نێو عاشقاندا مەجنوونم
سەیزادە دوعام لێ دەکا
ئای بریندارم دەرمانم کە
جا ئەسیری پابەندانم کە

ڕەبی قازی ماڵت ئاوا
ئینبوحەجەرت ڕۆناوە
فتوای ماچی ئەو گوڵەت داوە
بە یەکم و قەولم پێ داوە
سەیزادە دوعام لێ دەکا
ئای بریندارم دەرمانم کە

شەڕابی دەستی فاتم ناو
بۆم بکەن لە شووشەیێک گوڵاو
زەهری مار بێ دەیخۆم وەک ئاو
سەیزادە دوعام لێ دەکا
ئای بریندارم دەرمانم کە

لە نێوانی هەولێر و کۆ
ساعەت لایدا لە هەشت و نۆ
بەندەی خودامە یەخسیری تۆ
ئەو نامەردە نەیکوت مەڕۆ
سەیزادە دوعام لێ دەکا
ئای بریندارم دەرمانم کە

شەڕە لە بناری گێژۆکێ
گوللەم دیتییە وەک نۆکێ
با بمکوژن لەسەر فاتمۆکێ
سەیزادە دوعام لێ دەکا
ئای بریندارم دەرمانم کە
یا ئەسیری پابەندانم کە

Xeber roywe bo xizmanim
Awrêk berbuwe le xermanim
Şêwawe derî babanim
Yekyan nema bo dermanim
Seyzade du’am lê deka
Ay birîndarim dermanim ke
Yan esîrî pabendanim ke

Wêlî kwêstanî bêstûnim
’aşiqî gencî fereydunim
Le nêw ’aşiqanda mecnûnim
Seyzade du’am lê deka
Ay birîndarim dermanim ke
ca esîrî pabendanim ke

Rebî qazî malit awa
Înbuhecerit ronawe
Fitway maçî ew gulet dawe
be yekim û qewlim pê dawe
Seyzade du’am lê deka
Ay birîndarim dermanim ke

Şerabî destî fatim naw
Bom biken le şûşeyêk gulaw
Zehrî mar bê deyxom wek aw
Seyzade du’am lê deka
Ay birîndarim dermanim ke

Le nêwanî hewlêr û ko
Sa’et layda le heşt û no
Bendey xudame yexsîrî to
Ew namerde neykut mero
Seyzade du’am lê deka
Ay birîndarim dermanim ke

Şere le binarî gêjokê
Gullem dîtîye wek nokê
Ba bimkujin leser fatmokê
Seyzade du’am lê deka
Ay birîndarim dermanim ke
ya esîrî pabendanim ke