ئەی تریفەی مانگەشەوی زیوینی ئاسمان - قەتار

ئەی تریفەی مانگەشەوی زیوینی ئاسمان
بۆ بە تۆسقاڵ جار بە جاری خۆت ئەدەی نیشان
دەربکەوە ڕووناکی پاک وەرە سەرینم
بۆم ڕووناک کە زیندانی تار ژووری کەمینم

ڕازاوەیە دیواری پان بڕەی زنجیری
دەم کراوە و عەزرەتی لەش منم نێچیری
ئەی بولبولی شەوان بێدار تا بەری بەیان
تۆ بۆ من و منیش بۆ تۆ ئەبین بە نیشان
بۆم بخوێنە منی نەخۆش منی دەردەدار
چەشی ئێش و ناهەمواریم هاوڕێمە ئازار
ئەی گوڵەکەی ڕەنگ پەمەیی سەرداری ژاڵە
وەک بیستوومە ڕەنگ شیرینی و چێشتنت تاڵە
بەڵام تاکوو ئەم قسەیە کامە عەشقی گوڵ
توانیوێتی دەستی نیاز بنێتە سەر دڵ

Ey tirîfey mangeşewî zîwînî asman
Bo be tosqal car be carî xot edey nîşan
Derbikewe rûnakî pak were serînim
Bom rûnak ke zîndanî tar jûrî kemînim

Razaweye dîwarî pan birey zincîrî
Dem kirawe û ’ezretî leş minim nêçîrî
Ey bulbulî şewan bêdar ta berî beyan
To bo min û minîş bo to ebîn be nîşan
Bom bixiwêne minî nexoş minî derdedar
Çeşî êş û nahemwarîm hawrême azar
Ey gulekey reng pemeyî serdarî jale
Wek bîstûme reng şîrînî û çêştinit tale
Belam takû em qiseye kame ’eşqî gul
Twanîwêtî destî nyaz binête ser dil