کراس زەردێ

من نازانم گوڵ بۆ پەپوولەی خۆش دەوێ
مەلیش ئاسمان و هێلانە
من نازانم خۆر بۆ هەمیشە بەیانیان دەردەکەوێ
مانگ و ئەستێرە شەوانە
بەڵام دەزانم دڵم بۆ هێندە موبتەلای بەژن و باڵای تۆ و شیعری چاو پڕ لە گریانە

جاران هەموو بڵندییەکم لە بەرزیی کێوا ئەدی
کەچی ئێستا بەرزی شاخ لە بەژنی تۆدا دەبینم
پێم بڵێ بەژنی تۆ لە کێو بڵندترە
یان من لێڵ بووە ڕووباری ڕوانینم

کراس زەردێ خەڵقی گەرمێن بۆ مەیلت لە من گۆڕاوە
دڵت بردم بە تاڵان و ئیدی چیت لە گیانم داوە
کراس زەردێ کراس زەردێ کراس زەردێم لێ ئاڵاوە
کراس زەردێم بۆ بکەن بە بووک بیبەن بۆ باغی شەقڵاوە
کراس زەردێم بۆ بکەنە بووک بیبەن بۆ باغی شەقڵاوە

تۆ ئەی کیژی خەرامانم ئەی قیبلەگای دڵخوازانم
دڵ خۆی هاویشتە کۆشی تۆ ڕای بگرە دەس بە دامانم
کراس زەردێ کراس زەردێ کراس زەردێم لێ ئاڵاوە
کراس زەردێم بۆ بکەنە بووک بیبەنە بۆ باغی شەقڵاوە
کراس زەردێم بۆ بکەنە بووک بیبەن بۆ باغی شەقڵاوە

Min nazanim gul bo pepûley xoş dewê
Melîş asman û hêlane
Min nazanim xor bo hemîşe beyanyan derdekewê
Mang û estêre şewane
Belam dezanim dilim bo hênde mubtelay bejin û balay to û şî’rî çaw pir le giryane

Caran hemû bilindîyekim le berzîy kêwa edî
Keçî êsta berzî şax le bejnî toda debînim
Pêm bilê bejnî to le kêw bilinditre
Yan min lêl buwe rûbarî rwanînim

Kiras zerdê xelqî germên bo meylit le min gorawe
Dilit birdim be talan û îdî çît le gyanim dawe
Kiras zerdê kiras zerdê kiras zerdêm lê alawe
Kiras zerdêm bo biken be bûk bîben bo baxî şeqlawe
Kiras zerdêm bo bikene bûk bîben bo baxî şeqlawe

To ey kîjî xeramanim ey qîblegay dilxiwazanim
Dil xoy hawîşte koşî to ray bigre des be damanim
Kiras zerdê kiras zerdê kiras zerdêm lê alawe
Kiras zerdêm bo bikene bûk bîbene bo baxî şeqlawe
Kiras zerdêm bo bikene bûk bîben bo baxî şeqlawe