گەوهەری شێتی

ئەمڕۆ لە تاو دەردی دووریت حاڵی دڵم پەرێشانە
خەریکی شین و زاریمە هەوری چاوم لە گریانە
فرمێسکم دانە دوڕێکە وەکوو گەوهەر دەیبارێنم
نیشانە لە دەڵم دەگرێ چ حاجەت تیرەبارانە

کوانی عیلاجی دەردی من کوانێ دەوایێک شیفایێک
بە بڵێسەی خەم و حەسرەت کوورەی دڵم لە جۆشانە
دڵێ وەکوو سفرەی حاتەم پڕ نەبێ لە عەشق و ئەوین
سەحرایێکی چۆڵ و هۆڵ و مەحفەلی خانە وێرانە

ناحەزان بە عیشق و ئەوین دایمە حەسادەت دەبەن
مەسکەنی حەسوودان دیارە جەهەنەم جێگای ئەوانە
من دەڵێم شێت و جنوونی خەڵاتی جوانی یەزدانە
کێ لە دنیای شێتی دەگا ڕێگای خۆشبەختیی ئینسانە
ئەمڕۆ لە تاو دەردی دووری حاڵی دڵم پەرێشانە
خەریکی شین و زاریمە هەوری چاوم لە گریانە

Emro le taw derdî dûrît halî dilim perêşane
Xerîkî şîn û zarîme hewrî çawim le giryane
Firmêskim dane durêke wekû gewher deybarênim
Nîşane le delim degrê çi hacet tîrebarane

Kwanî ’îlacî derdî min kwanê dewayêk şîfayêk
Be bilêsey xem û hesret kûrey dilim le coşane
Dilê wekû sifrey hatem pir nebê le ’eşq û ewîn
Sehrayêkî çol û hol û mehfelî xane wêrane

Nahezan be ’îşq û ewîn dayme hesadet deben
Meskenî hesûdan dyare cehenem cêgay ewane
Min delêm şêt û cinûnî xelatî cwanî yezdane
Kê le dinyay şêtî dega rêgay xoşbextîy însane
Emro le taw derdî dûrî halî dilim perêşane
Xerîkî şîn û zarîme hewrî çawim le giryane