سکاڵا

بێوەفایی یار دڵمی تەنیوە
ڕووناکیی لە دڵی من هەڵچنیوە
مەلی ئاواتم خۆشی نەدیوە
لە هەوارگەی دڵ دانەبەزیوە

بە چاوان ئیتر ئەفسوونت ماوێ
ئەوینی ڕاستی بۆ دڵم باوێ
توخوا وەرە لام دانیشە تاوێ
بزەی تۆم هەبێ من دونیام ناوێ

بە ناکامی ژیام، بە ناکام دەمرم
هەتا ئەو ڕۆژەی هاتییە سەر قەبرم
هەتاکوو مابووم تۆ نەتگرت قەدرم
گریان مانای نێ وا لەسەر قەبرم

وەرە نازەنین جەفا مەفرۆشە
ڕووبەندت لادە لێم دامەپۆشە
سرتەی ئەوین و دڵداری خۆشە
ئەویندار دایم دڵی لە جۆشە

Bêwefayî yar dilmî tenîwe
Rûnakîy le dilî min helçinîwe
Melî awatim xoşî nedîwe
Le hewargey dil danebezîwe

Be çawan îtir efsûnit mawê
Ewînî rastî bo dilim bawê
Tuxwa were lam danîşe tawê
Bizey tom hebê min dunyam nawê

Be nakamî jyam, be nakam demirim
Heta ew rojey hatîye ser qebirim
Hetakû mabûm to netgirt qedirim
Giryan manay nê wa leser qebirim

Were nazenîn cefa mefroşe
Rûbendit lade lêm damepoşe
Sirtey ewîn û dildarî xoşe
Ewîndar daym dilî le coşe