بێ تۆ

لە قووڵایی هەست و گیانم
سڵاو بۆ تۆ یاری جوانم
بە عیشقی تۆیە من ماوم
نامەکەت هاتە سەر چاوم
بێ تۆ بەهارم ناوێ
بێ تۆ ژیانم ناوێ
بێ تۆ من شاییم ناوێ
بێ تۆ من ناژیم تاوێ

نامەم پێت گەیوە بە شادی
بە سەرمەستی و بە ئازادی
چاوی تۆم کەوتەوە یادی
ڕۆیی ڕۆژی نامرادی
بێ تۆ بەهارم بۆ چییە
بێ تۆ سەیرانم بۆ چییە
بێ تۆ من شاییم ناوێ
بێ تۆ من ناژیم تاوێ

گەلێ سپاس بۆ ئەوینت
بۆ عیشقی پاک و پڕتینت
بە چاوی بێ بن و شینت
بە ئەگریجەی پڕ لە چینت
بێ تۆ وەفادار نابم
بێ تۆ کامەران نابم
شەرتە لێت غافڵ نەبم
قەتاقەت لێت دوور نەبم

بەو ڕۆژەی دڵم بۆت لەرزا
ئەوینی تۆی لی داڕێژرا
نامەم بۆت نووسی وا بە تاو
ئەمڕازاندەوە بە گوڵ و سڵاو
بێ تۆ من مانم بۆ چییە
بێ تۆ جیهانم بۆ چییە
بێ تۆ من جوانیم ناوێ
جوانی بەهارم ناوێ

Le qûlayî hest û gyanim
Silaw bo to yarî cwanim
Be ’îşqî toye min mawim
Nameket hate ser çawim
Bê to beharim nawê
Bê to jyanim nawê
Bê to min şayîm nawê
Bê to min najîm tawê

Namem pêt geywe be şadî
Be sermestî û be azadî
Çawî tom kewtewe yadî
Royî rojî namradî
Bê to beharim bo çîye
Bê to seyranim bo çîye
Bê to min şayîm nawê
Bê to min najîm tawê

Gelê sipas bo ewînit
Bo ’îşqî pak û pirtînit
Be çawî bê bin û şînit
Be egrîcey pir le çînit
Bê to wefadar nabim
Bê to kameran nabim
Şerte lêt xafil nebim
Qetaqet lêt dûr nebim

Bew rojey dilim bot lerza
Ewînî toy lî darêjra
Namem bot nûsî wa be taw
Emrazandewe be gul û silaw
Bê to min manim bo çîye
Bê to cîhanim bo çîye
Bê to min cwanîm nawê
Cwanî beharim nawê