بێدل هشتم

دلبەر دخوازە ڤی جانێ من بستینە
دلێ من دبە و قەد ژ بۆ وێ خەم نینە
من دهێلە ناخوازە قەد من ببینە
خوەدێ سەد هاوار گرانە ئەڤ برینە
من ژێ حەز کر و جارەک نەهاتە رایێ
من قەد ژێ نەدی ژ غەیری دەرد و تایێ
جارنا من دخاپینە دبێ: تێم، نایێ
عەمرێم وەها چوو پێ ڕە کەتم بەلایێ
ئەمان ئەمان یار ئەمان ئەمان
تو چووی ئەز مام بۆ کول و خەمان

چ خوەست من دایێ من جارەک نەگۆت: نا نا
سەردارا دل وەکی میرا، وەکی خانا
ل بەندێ مام و خاپاندم وەک نەزانا
عەمرێ من هەموو بر مام بۆ دەرد و ژانا
هەڤالنۆ دەستێم بگرن برین گران ئە
ما کی وەک من دەردێ ئەڤینێ دزانە
دلبەرام چوو ما بۆ چێیە ئەڤ ژیانە
کی وەکی من دل مەلوول و بێ خودانە
ئەمان ئەمان یار ئەمان ئەمان
تو چووی ئەز مام بۆ کول و خەمان

Dilber dixwaze vî canê min bistîne
Dilê min dibe û qed ji bo wê xem nîne
Min dihêle naxwaze qed min bibîne
Xwedê sed hawar giran e ev birîne
Min jê hez kir û carek nehate rayê
Min qed jê nedî ji xeyrî derd û tayê
Carna min dixapîne dibê: Têm, nayê
Eemrê mim weha çû pê re ketim belayê
Eman eman yar eman eman
Tu çûy ez mam bo kul û xeman

Çi xwest min dayê min carek negot: Na na
Serdara dil wekî mîra, wekî xana
Li bendê mam û xapandim wek nezana
Emrê min hemû bir mam bo derd û jana
Hevalno destêm bigrin birîn giran e
Ma kî wek min derdê evînê dizane
Dilberam çû ma bo çi ye ev jiyane
Kî wekî min dil melûl û bê xudan e
Eman eman yar eman eman
Tu çûy ez mam bo kul û xeman