کراسەکەی کەتانە

کراسەکەی کەتانە سوخمە لەسەر مەمانی
چاوڕەشی برۆ کەوانە عەباکەی تورکمانی
چاوڕەشی برۆ کەوانە عەباکەی کوردەواری

شەماڵ پرچەی هەڵداوە کەزیی لە ملان ئاڵاوە
دڵم بۆ تۆ نەماوە بۆ حاڵی من نازانی

بەژنی دەڵێی بەیداغە مەمکی سێوی مەراغە
خوا جەرگم داغ بە داغ بە ئەگریجە و موژگانی

دەمدی لە جوانی جوانان ڕوومەت وەکوو چراغە
گوڵی دەچنی لە باغە چوومە لای بە میوانی

پەرچەمی داو بە داوە زولفی عەمبەری خاوە
دڵی من گل داوە بە ئەبرۆ و چاوەکانی

Kirasekey ketane suxme leser memanî
Çawreşî biro kewane ’ebakey turkimanî
Çawreşî biro kewane ’ebakey kurdewarî

Şemal pirçey heldawe kezîy le milan alawe
Dilim bo to nemawe bo halî min nazanî

Bejnî delêy beydaxe memkî sêwî meraxe
xwa cergim dax be dax be egrîce û mujganî

Demdî le cwanî cwanan rûmet wekû çiraxe
Gulî deçnî le baxe çûme lay be mîwanî

Perçemî daw be dawe zulfî ’emberî xawe
Dilî min gil dawe be ebro û çawekanî