ئەز و یار

چاڤبەلەکا من تویی
پۆرخەلەکا من تویی
سورمەلەکا من تویی
ژار و پەریشانم ئەز
سۆرپەریا من تویی
دێمزێریا من تویی
شەنگ و شۆخا من تویی
ژار و پەریشانم ئەز

بەژنبلندێ تویی
پرگەور و ڕندێ تویی
وەک مووم و فندێ تویی
لێ دل بکۆڤانم ئەز
ڕوو گەور و شێرین تویی
ستێر و پەروین تویی
شێرین و هەم زین تویی
مەمێ د زندانم ئەز

Çavbeleka min tu yî
Porxeleka min tu yî
Surmeleka min tu yî
Jar û perîşan im ez
Sorperiya min tu yî
Dêmzêriya min tu yî
Şeng û şoxa min tu yî
Jar û perîşan im ez

Bejinbilindê tu yî
Pirgewr û rindê tu yî
Wek mûm û findê tu yî
Lê dil bikovan im ez
Rû gewr û şêrîn tu yî
Stêr û perwîn tu yî
Şêrîn û hem Zîn tu yî
Memê di zindan im ez