سوخمەی کۆنی

دەردم زۆرە جا دەکەم زاری
خۆ دەکەم زار و بێقەراری
چی بکەم تۆ لە من بۆ بێزاری
تۆ وەنەوشەی ئەوەڵ بەهاری
خۆم بە قوربان سوخمەی کۆنی
وەک مێخەکبەن دەڕوا بۆنی
جا هاتووم بزانم چلۆنی
وێنەی شەمامە بە بۆنی

سینەت باغ و باغچەی ئیرەم
سەیرانگاهی ڕۆم و عەجەم
ناڕۆم تاکوو ماچت نەکەم
تۆ وەنەوشەی ئەوەڵ بەهاری
خۆم بە قوربان ئەو چاوانە
چاوی تۆ دەرد و دەرمانە
جا کوشتوومت هەر خۆت بیزانە
دەرمانم کە بەو پەنجانە

Derdim zore ca dekem zarî
Xo dekem zar û bêqerarî
Çî bikem to le min bo bêzarî
To wenewşey ewel beharî
Xom be qurban suxmey konî
Wek mêxekben derwa bonî
Ca hatûm bizanim çilonî
Wêney şemame be bonî

Sînet bax û baxçey îrem
Seyrangahî rom û ’ecem
Narom takû maçit nekem
To wenewşey ewel beharî
Xom be qurban ew çawane
Çawî to derd û dermane
Ca kuştûmit her xot bîzane
Dermanim ke bew pencane