مەلی جوانی

پەشیمان بووە گیانە مەچۆ بۆ سەفەر
ڕێگای هەورازی نازدار خەمم مەخە بەر
با نەبمە شەیدای جوانێ کێو و دەشت و دەر
یار یار یار یار

ئەی مەلی جوانی ئاسۆی خەیاڵم
بووم خەرمانی خەم هەر تۆی شەماڵم
لە دوای کۆچەکەت جوانێ وەکوو عەبداڵم
یار یار یار یار

شەوان نامۆیە گیانە خەو لە چاوانم
بە خەیاڵ لە دووی نازدار تۆزی کاروانم
سۆنەی هەڵوەدای جوانێ گۆشەی ئاوانم
یار یار یار یار

خەرمانی ژینم سەراسەر ژانە
لە هەواڵی کۆچ ڕۆح سەرگەردانە
لە هەواڵی کۆچ نازدار ڕۆح سەرگەردانە
مەچۆ بۆ سەفەر جوانێ دڵ پەرێشانە
یار یار یار یار

Peşîman buwe gyane meço bo sefer
Rêgay hewrazî nazdar xemim mexe ber
Ba nebme şeyday cwanê kêw û deşt û der
Yar yar yar yar

Ey melî cwanî asoy xeyalim
bûm xermanî xem her toy şemalim
Le dway koçeket cwanê wekû ’ebdalim
Yar yar yar yar

Şewan namoye gyane xew le çawanim
Be xeyal le dûy nazdar tozî karwanim
Soney helweday cwanê goşey awanim
Yar yar yar yar

Xermanî jînim seraser jane
Le hewalî koç roh sergerdane
Le hewalî koç nazdar roh sergerdane
Meço bo sefer cwanê dil perêşane
Yar yar yar yar