بازم بەربووە

بازم بەربووە بە کوتێ پەتەوە
لە شوێنیا وێڵم بە خەفەتەوە
بازم بەربووە بە پەل خوێنینۆ
ئێژن وا لە بان کێو بێستوونۆ

ئەی داد هەی بێداد ئەمە کەی حاڵە
هەناسەم سەردە و ژینم بەتاڵە
تاڵێ لە زوڵفت هات بە دەسمەوە
بەندی دڵ دەپسێ پێی دەبەسمەوە
شەرتە بیپۆشم بەرگی ڕەشدەوار
لە شوێنتا وێڵ بم هەوارە و هەوار
لە شوێنتا وێڵ بم هەوار بە هەوار

ئەی داد هەی بێداد گرانە دەردم
کەلاوەنشین بیاوانگەردم
تاڵێ لە زوڵفت هات بە لامەوە
وەک مەڵحەم ئەینێن وە بان زامەوە
ئەترسم بمرم بیاوان بێتە جێم
قەل و داڵ بمخوا کەس نەزانێ پێم
بیتە سەر لاشەم نەزانی من کێم

Bazim berbuwe be kutê petewe
Le şwênya wêlim be xefetewe
Bazim berbuwe be pel xwênîno
Êjin wa le ban kêw bêstûno

Ey dad hey bêdad eme key hale
Henasem serde û jînim betale
Talê le zulifit hat be desmewe
Bendî dil depsê pêy debesmewe
Şerte bîpoşim bergî reşdewar
Le şwênta wêl bim heware û hewar
Le şwênta wêl bim hewar be hewar

Ey dad hey bêdad girane derdim
Kelawenşîn byawangerdim
Talê le zulifit hat be lamewe
Wek melhem eynên we ban zamewe
Etirsim bimirim byawan bête cêm
Qel û dal bimxiwa kes nezanê pêm
Bîte ser laşem nezanî min kêm