ئەفسووس

تاوێک نەگەڕا چەرخی موخالیف بە حیسابم
بێ ناڵە نییە سانییەیێک تاری ڕوبابم
هەر لەحزەیەکی غەرقی* هەزار گریە بووە ئەفسووس
ساڵانی مناڵیم و هەموو عومری شەبابم
گەر ڕاستە مەلەک نامەیی ئەعمالم ئەنووسێ
با سوور بێ وەکوو خوێنی جگەر خەتتی کیتابم
شەمعێکە لەسەر لێوەلەرەی مەینەتی من ڕۆژ
ئەستێرەیی شەو شاهیدمن سەختە عەزابم

توخوا دڵەکەم* کوانێ خوتووراتی جوانیت؟
بۆ ڕەش بوو هەموو ئوفقی خەیاڵات و سەرابم؟
هەیهات چ بێ میهر و وەفا دەرچوو نیگارم
حاڵی بە گەرم پرسش ئەکەم، ساردە جەوابم
تاوێک نەگەڕا چەرخی موخالیف بە حیسابم
بێ ناڵە نییە سانییەیێک تاری ڕوبابم
هەر لەحزەیەکی غەرقی هەزار گریە بووە ئەفسووس
ساڵانی مناڵیم و هەموو عومری شەبابم

Tawêk negera çerxî muxalîf be hîsabim
Bê nale nîye sanîyeyêk tarî rubabim
Her lehzeyekî xerqî* hezar girye buwe efsûs
Salanî minalîm û hemû ’umrî şebabim
Ger raste melek nameyî e’malim enûsê
Ba sûr bê wekû xwênî ciger xettî kîtabim
Şem’êke leser lêwelerey meynetî min roj
Estêreyî şew şahîdmin sexte ’ezabim

Tuxwa dilekem* kwanê xutûratî cwanît?
Bo reş bû hemû ufqî xeyalat û serabim?
Heyhat çi bê mîhir û wefa derçû nîgarim
Halî be germ pirsiş ekem, sarde cewabim
Tawêk negera çerxî muxalîf be hîsabim
Bê nale nîye sanîyeyêk tarî rubabim
Her lehzeyekî xerqî hezar girye buwe efsûs
Salanî minalîm û hemû ’umrî şebabim