مەقامی قەندیل و گۆرانیی ڕەنجی بێوەرم

بێرە کوردستان عەزیزم، گەر تۆ سەیرانت دەوێ
بتبەمە قەندیل، ئەگەر گوڵزاری کوێستانت دەوێ

سەیری ئەو خێڵانە کە، نیشتوونە دامێنی چیا
با بچین بۆ ماڵەکوردێ گەر تۆ خێشانت دەوێ
بتبەمە لای تاقی سەرپێڵ و سەرمیل و کرن
پێت نیشان دەم سەد هەزار ئاسارێ ساسانت ئەوێ

ئاوی ساف و ڕۆشنی داوێنی چەشمانی چیا
لێی بنۆشە دەم بە دەم گەر ئاوی حەیاتت دەوێ

لاوی کوردی من لە بەرکە، شاڵی زاخۆ و ئامێدی
گەر ئەتۆ سەد چاتر لە ڕەنگی شاڵی کرمانت دەوێ

هەیهات گوڵەکەم، تاقەگوڵەکەم
هەرچەندە ئەکەم ناوێرم بڵێم
زۆر باش لێم ڕوونە پیشەی گەردوونە
بۆیە وا دوونە تۆی دابڕ کرد لێم
پێکەنینەکەت، دەنگە ناسکەکەت
سروەی هەناسەت دەر نایێ گوێم
ڕەنجی بێوەرم، بەندی جگەرم
داد بۆ کێ بەرم، کێ تۆی ون کرد لێم

کە چاو ئەگێڕم تۆ نیت لە دەورم
لێڵاییم دایێ ژیان تاڵە لێم
کوا پرچی خاوت؟ کوا پرشەی چاوت؟
کوا خەندەی لیوت؟ هەر دەم کە ئەڵێم
پێکەنینەکەت، دەنگە ناسکەکەت
سروەی هەناسەت دەر نایێ لە گوێم

Bêre kurdistan ’ezîzim, ger to seyranit dewê
Bitbeme qendîl, eger gulzarî kwêstanit dewê

Seyrî ew xêlane ke, nîştûne damênî çya
Ba biçîn bo malekurdê ger to xêşanit dewê
Bitbeme lay taqî serpêl û sermîl û kirin
Pêt nîşan dem sed hezar asarê sasanit ewê

Awî saf û roşnî dawênî çeşmanî çya
Lêy binoşe dem be dem ger awî heyatit dewê

Lawî kurdî min le berke, şalî zaxo û amêdî
Ger eto sed çatir le rengî şalî kirmanit dewê

Heyhat gulekem, taqegulekem
Herçende ekem nawêrim bilêm
Zor baş lêm rûne pîşey gerdûne
Boye wa dûne toy dabir kird lêm
Pêkenîneket, denge naskeket
Sirwey henaset der nayê gwêm
Rencî bêwerim, bendî cigerm
Dad bo kê berim, kê toy win kird lêm

Ke çaw egêrim to nît le dewrim
Lêlayîm dayê jyan tale lêm
Kwa pirçî xawit? kwa pirşey çawit?
Kwa xendey lîwit? her dem ke elêm
Pêkenîneket, denge naskeket
Sirwey henaset der nayê le gwêm