بوهار

سەرهلدە ژ خەو ئەی کوردۆ رۆژ هاتە دەلاڤا
تامارا خەوێ گرتیە ما سەر هەردوو چاڤا
کێلەک ل تە هشک بوونە ل سەر مەرش و کولاڤا
سەرما چوو نەما دەنگێ برووسک و ئەور و تاڤا
مارمارا می و بەرخا بوهار هاتیە چۆگا
د چرووسن کولیلک ڤێگا ب شەبنەم و خوناڤا
خەملا خوە گرێدایە زەمینێ ب کولیلکا
بهن و بەخێ داڤێژە وەکی مسک و گولاڤا

رابە بەر ب ژینێ ڤە بەلەنگازۆ دو گاڤا
تێ خوردە هەری ژارۆ ل بەر پێلێن د ئاڤا
سەرما چوو نەما دەنگێ برووسک و ئەور و تاڤا
سەیدا تە نەما تێ دەست ب نێچیر و ب راڤا
شێرینە وەلات تاجەکە زێرینە برادەر
نەفرۆشە ب ئەرزانی ب دینار و دەراڤا
گۆڤەندەکە چارگۆشە ل مەیدانێ ل دار خە
دا دەنگ بدە گولستان ب مزگین و سلاڤا

Serhilde ji xew ey Kurdo roj hate delava
Tamara xewê girtiye ma ser herdû çava
Kêlek li te hişk bûne li ser merş û kulava
Serma çû nema dengê birûsk û ewr û tava
Marmara mî û berxa buhar hatiye çoga
Di çirûsin kulîlk vêga bi şebnem û xunava
Xemla xwe girêdaye zemînê bi kulîlka
Bihn û bexê davêje wekî misk û gulava

Rabe ber bi jînê ve belengazo du gava
Tê xurde herî jaro li ber pêlên di ava
Serma çû nema dengê birûsk û ewr û tava
Seyda te nema tê dest bi nêçîr û bi rava
Şêrîne welat taceke zêrîne birader
Nefroşe bi erzanî bi dînar û derava
Govendeke çargoşe li meydanê li dar xe
Da deng bide Gulistan bi mizgîn û silava