شوعلەی ئەوین

شوعلەی ئەوینت شەمی شەوانەم
کڕووزا باڵم چەشنی پەروانەم
ڕۆژ بولبولێکم بۆ تۆ دەخوێنم
شەو وەکوو پەروانە خۆم ئەسووتێنم
گوڵی من دڵی من بێ تۆ خەمینە
شەو و رۆژ دەناڵێ خەریکی شینە

تۆ بەڵێنت دا دڵداری من بی
تیشکی پیرۆزی شەوگاری من بی
بۆچ وێرانت کرد کۆشکی ئەوینم
کە تۆ ڕۆیشتی تەرانەی ژینم
گوڵی من دڵی من بێ تۆ خەمینە
شەو و رۆژ دەناڵێ خەریکی شینە

ئاواتی بەرز و پیرۆزی من بووی
گوڵاڵەسوورەی نەورۆزی من بووی
ڕۆیشتی مامەوە من بە تەنهایی
ئاخ چەند گرانە دەردی جودایی
گوڵی من دڵی من بێ تۆ خەمینە
شەو و رۆژ دەناڵێ خەریکی شینە

Şu’ley ewînit şemî şewanem
Kirûza balim çeşnî perwanem
Roj bulbulêkim bo to dexwênim
Şew wekû perwane xom esûtênim
Gulî min dilî min bê to xemîne
Şew û roj denalê xerîkî şîne

To belênit da dildarî min bî
Tîşkî pîrozî şewgarî min bî
Boç wêranit kird koşkî ewînim
Ke to royştî teraney jînim
Gulî min dilî min bê to xemîne
Şew û roj denalê xerîkî şîne

Awatî berz û pîrozî min bûy
Gulalesûrey newrozî min bûy
Royştî mamewe min be tenhayî
Ax çend girane derdî cudayî
Gulî min dilî min bê to xemîne
Şew û roj denalê xerîkî şîne