تاسەی دووری

ئەو دەمانەی لە تۆ دوورم شنەی شەماڵ سروەی نایە
باخی تەمەن خەزانێتی و جریوەی مەلی لێ نایە
گەڵا و گوڵی عومرم وەری هەر پایزە و بەهار نایە
لە چۆڵایی جێژوانەکەم هەر سێبەرە و خۆر هەڵنایە

لەو ڕۆژەوەی دووریت لێم و وشەکانت نامدوێنێ
سۆمای چاوم کز ئەبینێ و فرمێسک لە چاوم ئەڕوێنێ
نازدارەکەم لەو کاتەوەی سیمای جوانی تۆم لێ ونە
هەواری دڵ چۆڵ و هۆڵە و جێژوانی من بێ ئەوینە

ئازیزەکەم تاسەی دووریت ڕۆژی چەن جار ئەمهەژێنێ
وام لە ئەندێشە و خەیاڵت یادەکانت ئەمسووتێنێ
باوانەکەم زۆر لەمێژە، سۆمای چاوم لێڵ و تارە
وام لە خولیای دیدارێکت چاوەڕێتم ئەم بەهارە

Ew demaney le to dûrim şiney şemal sirwey naye
Baxî temen xezanêtî û cirîwey melî lê naye
Gela û gulî ’umirim werî her payze û behar naye
Le çolayî cêjwanekem her sêbere û xor helnaye

Lew rojewey dûrît lêm û wişekanit namdiwênê
Somay çawim kiz ebînê û firmêsk le çawim erwênê
Nazdarekem lew katewey sîmay cwanî tom lê wine
Hewarî dil çol û hole û cêjwanî min bê ewîne

Azîzekem tasey dûrît rojî çen car emhejênê
Wam le endêşe û xeyalit yadekanit emsûtênê
Bawanekem zor lemêje, somay çawim lêl û tare
Wam le xulyay dîdarêkit çawerêtim em behare