غوربەت و دووری

هەتا بڵێی بیرت دەکەم پێمخۆشە گوێم لە دەنگت بێ
وەک بەهاری باراناوی چاوم لە جوانی و ڕەنگت بێ

بریا دەبووم بە خەونێک و ئەهاتمە نێو چاوانتەوە
یا دەبوومە ئەستێرەیێک ئەکشام بەسەر ئاسمانتەوە
بەڵام چی بکەم کە لێم دووری نێوانمان پڕ ئوقیانووسە
کە هیچ نەبێ نامەیەکی پڕ لە خەندەم بۆ بنووسە

گەڵایێکی هەڵوەریوی نیشتیمانم بۆ بنێرە
بەڵام توخوا با گەڵا نەشکێ هەتا دێتە ئێرە
تۆ دەتوانی بێیتە خەونم لەم غوربەتا ڕزگارم بکەی
هێند بە تاسە بانگم بکەی لە کوردستان بێدارم بکەی
بەختی نووستوو چرۆ دەکا خەونێکی لێڵ دایپۆشیوم
لەگەڵ ئەشکا بموەرێنە ئەوا خەم ڕەنجی پێ نۆشیوم

Heta bilêy bîrit dekem pêmxoşe gwêm le dengit bê
Wek beharî baranawî çawim le cwanî û rengit bê

Birya debûm be xewnêk û ehatme nêw çawantewe
Ya debûme estêreyêk ekşam beser asmantewe
Belam çî bikem ke lêm dûrî nêwanman pir uqyanûse
Ke hîç nebê nameyekî pir le xendem bo binûse

Gelayêkî helwerîwî nîştîmanim bo binêre
Belam tuxwa ba gela neşkê heta dête êre
To detwanî bêyte xewnim lem xurbeta rizgarim bikey
Hênd be tase bangim bikey le kurdistan bêdarim bikey
Bextî nûstû çiro deka xewnêkî lêl daypoşîwim
Legel eşka bimwerêne ewa xem rencî pê noşîwim