ئەختەر

ئەختەر کیژی کوردی چاومەست
ئەی پێشمەرگەی میللەتپەرست
ئیلهامبەخشی شێعر و هەڵبەست*
کە دیتمی تفەنگ بەدەست
زانیم گوڵی هیوا پشکووت
بەیانی ئازادی ئەنگووت

ئەختەر پێشمەرگەی کۆڵنەدەر
ئەختەر ئەی گوڵی نێو سەنگەر
خوێنت دەتکێ های لە* خەنجەر
دەگری بەری هێرشی عەسکەر
سێرەت گرت بەو چاوە جوانە
لە کەلەکەی ئەو بیژوانە
ئەی لە کەلەکەی ئەو بیژوانە

شەقت هەڵدا لە زێڕ و جل
تووڕەت هەڵدا* کلدان و کل
توندت کردۆ پشتێنی شل
فیشەکدانت کردۆتە مل
پساندت بازنە و پاوانە
دەستت دا تفەنگ پیاوانە

ناڕێژی چاو، سوور ناکەی لێو
شانە ناکەی بسکی پەشێو
یەکجاری فڕێت دا چارشێو
ئەوە ڕووت کردە چڕ و کێو
دەبڕی جەرگی دوژمنی زۆڵ
بە سەرنێزە، نەک بە مژۆڵ

Exter kîjî kurdî çawmest
Ey pêşmergey mîlletperist
Îlhambexşî şê’ir û helbest*
Ke dîtmî tifeng bedest
Zanîm gulî hîwa pişkût
Beyanî azadî engût

Exter pêşmergey kolneder
Exter ey gulî nêw senger
Xwênit detkê hay le* xencer
Degrî berî hêrşî ’esker
Sêret girt bew çawe cwane
Le kelekey ew bîjwane
Ey le kelekey ew bîjwane

Şeqit helda le zêr û cil
Tûret helda* kildan û kil
Tundit kirdo piştênî şil
Fîşekdanit kirdote mil
Pisandit bazne û pawane
Destit da tifeng pyawane

Narêjî çaw, sûr nakey lêw
Şane nakey biskî peşêw
Yekcarî firêt da çarşêw
Ewe rût kirde çir û kêw
Debrî cergî dujminî zol
Be sernêze, nek be mijol