چییە ئەی گوڵ

چییە ئەی گوڵ کە ڕەنگت ئێستە سوورە
چ وەختی شادی و عەیش و سروورە
پەڕت بۆ ئاڵ و ڕەنگینە* بەهاران
دوڕئەفشانن لە قەترەی ئاوی باران

مەگەر حیسست نییە تاکوو بزانی
لە خاکی کێ ڕواوی بۆیە جوانی
ئەتۆ نایزانی* بۆ چی ئاڵ و سووری
لە بەزما مایەیی کەیف و سرووری

کە وا بوو ئێستە ئەی گوڵ تۆ بزانە
کە سەوزیی تۆ* لە خاکی دڵبەرانە
لەسەر خاکێ بنی ڕیشەت ڕوواوە
بە جەرگی عاشقانا داخی ناوە

Çîye ey gul ke rengit êste sûre
Çi wextî şadî û ’eyş û sirûre
Perit bo al û rengîne* beharan
Dur’efşanin le qetrey awî baran

Meger hîsist nîye takû bizanî
Le xakî kê rwawî boye cwanî
Eto nayzanî* bo çî al û sûrî
Le bezma mayeyî keyf û sirûrî

Ke wa bû êste ey gul to bizane
Ke sewzîy to* le xakî dilberane
Leser xakê binî rîşet ruwawe
Be cergî ’aşiqana daxî nawe