جا چۆن نەگریم

نامەوێ بۆچیمە ئاهەنگ بەزم و ڕەزمی سەرچنار
چی لە مەی کەم، چی لە نەی کەم یا لە نەغمەی عوود و تار

من لە شاگردانی عەشقم بێنەوا و بێقەرار
شەرتە تا ڕۆژی حەشر خولیای من بێ چاوی یار
وێڵی سەحرا بم هەمیشە تەرک بکەم خوێش و دیار

جا چۆن نەگریم نەناڵێنم فرمێسک و خوێن نەبارێنم
کە وا رۆیی بەجێ هێشتم دەزانم حەتمەن نامێنم

مەپرسن چەند پەرێشانم پەرۆش و مات و شێواوم
لە داخی کۆچی ئەو یارە پەرێشان و دڵسووتاوم
جا چۆن نەگریم نەناڵێنم فرمێسک و خوێن نەبارێنم
کە وا رۆیی بەجێ هێشتم دەزانم حەتمەن نامێنم

لەبەر گریە و شین و زاری گەلێک دڵ پڕ لە زووخاوم
سەرم سووڕماوە ئەی یاران چلۆن هەتا ئێستا ماوم
جا چۆن نەگریم نەناڵێنم فرمێسک و خوێن نەبارێنم
کە وا رۆیی بەجێ هێشتم دەزانم حەتمەن نامێنم

Namewê boçîme aheng bezim û rezmî serçinar
Çî le mey kem, çî le ney kem ya le nexmey ’ûd û tar

Min le şagirdanî ’eşqim bênewa û bêqerar
Şerte ta rojî heşir xulyay min bê çawî yar
Wêlî sehra bim hemîşe terk bikem xwêş û dyar

Ca çon negrîm nenalênim firmêsk û xwên nebarênim
Ke wa royî becê hêştim dezanim hetmen namênim

Mepirsin çend perêşanim peroş û mat û şêwawim
Le daxî koçî ew yare perêşan û dilsûtawim
Ca çon negrîm nenalênim firmêsk û xwên nebarênim
Ke wa royî becê hêştim dezanim hetmen namênim

Leber girye û şîn û zarî gelêk dil pir le zûxawim
Serim sûrmawe ey yaran çilon heta êsta mawim
Ca çon negrîm nenalênim firmêsk û xwên nebarênim
Ke wa royî becê hêştim dezanim hetmen namênim