شۆڕشی نائومێدی

بناغە و چینی دیواری
تەلاری بەرزی دڵداری
بە سەر لانەی دڵا ڕووخا
تەپوتۆزی خەمی هێنا
بەدووی باڵداری ئاواتی
فڕیوی بێ سەر و شوێنا

دەسا ئەی پاییزی ماتەم
ئەوەندەم تاسە پێ ماوە
هەموو ئەو یادگارەی
لەو ژیانی عەشقە جێماوە
بەجارێ وەک گەڵا
سروەی خەزانت گشتی ڕاماڵێ
بەوردی هەر گەڵایێکی
ببا بۆ قوژبن و چاڵێ

لە دواییدا*
لە بیابانی لماویدا
تەپوتۆزێکی وا بێنێ
جیهان ئێجگاری* بخرۆشێ
سەری ئەو قوژبن و چاڵە
وەکوو گۆڕیچکە داپۆشێ
لەپاشانا بە بای وەشتا
لەسەردا هەوری ڕەش بێنێ
بە گۆڕی یادگارا
با بەخوڕ تاوێ ببارێنێ
دە با بمرێ بە ئێجگاری*
لە گۆڕی تەنگ و تەنیادا
نیشانە و ناوی هەڵگیرێ
لەناو بازاڕی دونیادا

Binaxe û çînî dîwarî
Telarî berzî dildarî
Be ser laney dila rûxa
Teputozî xemî hêna
Bedûy baldarî awatî
Firîwî bê ser û şwêna

Desa ey payîzî matem
Ewendem tase pê mawe
Hemû ew yadgarey
Lew jyanî ’eşqe cêmawe
Becarê wek gela
Sirwey xezanit giştî ramalê
Bewrdî her gelayêkî
Biba bo qujbin û çalê

Le dwayîda*
Le byabanî limawîda
Teputozêkî wa bênê
Cîhan êcgarî* bixroşê
Serî ew qujbin û çale
Wekû gorîçke dapoşê
Lepaşana be bay weşta
Leserda hewrî reş bênê
Be gorî yadgara
Ba bexur tawê bibarênê
De ba bimrê be êcgarî*
Le gorî teng û tenyada
Nîşane û nawî helgîrê
Lenaw bazarî dunyada