ئامینێ و ئامین

ئەوە مانگ هەڵات وەی دای لە ناو هۆبە
ماچکردن خۆشە وەی نۆبە بە نۆبە
ماچکردن خۆشە دەی نۆبە بە نۆبە
ئامینێ و ئامین هەی جەرگم* تاو تاوە
ئامینێ و ئامین وەی جەرگم* تاو تاوە
شەو لە ناڵەی من وەی سیروان بێ ئاوە

ئەوە مانگ هەڵات وەی مانگ خەیلێ بەرزە
دۆست و دەزگیران هەر بۆ ئەمشەو فەرزە
دۆست و دەزگیران دەی بۆ ئەمشەو فەرزە
ئامینێ و ئامین بە تۆی دەڵێم کاڵێ
عیشوەی* شەدەکەی وەی عەرزی دەماڵێ
بە دەست خۆم نییە وەی دڵ بۆت دەناڵێ
هەستە با بڕۆین بەجێی بێڵین ماڵێ

ئامینێ و ئامین هەر تۆی دنیا و دینم
قۆڵەکەت دانێ بیکە بە سەرینم
چونکێ تاقانەی من مەرگت نەبینم

Ewe mang helat wey day le naw hobe
Maçkirdin xoşe wey nobe be nobe
Maçkirdin xoşe dey nobe be nobe
Amînê û amîn hey cergim* taw tawe
Amînê û amîn wey cergim* taw tawe
Şew le naley min wey sîrwan bê awe

Ewe mang helat wey mang xeylê berze
Dost û dezgîran her bo emşew ferze
Dost û dezgîran dey bo emşew ferze
Amînê û amîn be toy delêm kalê
’îşwey* şedekey wey ’erzî demalê
Be dest xom nîye wey dil bot denalê
Heste ba biroyn becêy bêlîn malê

Amînê û amîn her toy dinya û dînim
Qoleket danê bîke be serînim
Çunkê taqaney min mergit nebînim