تیشکی مانگەشەو

لە بەر تیشکی مانگەشەو
لەسەر نەغمەی قاسپەی کەو
بۆت ئەنووسم وشەی بە کوڵ
لەسەر پەڕەی ناسکی گوڵ
وشەکانم خوێنی دڵە
فرمێسکی مەلی سەر چڵە
کڵپەی دەروونی سووتاوە
تاسەی ئاواتی خنکاوە

لەگەڵ سروەی شنەی بەیان
ئەنێرم بۆت ئارامی گیان
وەک پەپوولە کە بۆ ئاگر
خۆی بەر ئەدا لە هەموو گڕ
با نامەکەشم وەک دڵم
تێی بەر بێ ئاگر و هەڵم
ئەو دەستەیەی کە ئەسووتێ
ژیلەمۆیەکی بۆ نووسێ

Le ber tîşkî mangeşew
Leser nexmey qaspey kew
Bot enûsim wişey be kul
Leser perey naskî gul
Wişekanim xwênî dile
Firmêskî melî ser çile
Kilpey derûnî sûtawe
Tasey awatî xinkawe

Legel sirwey şiney beyan
Enêrim bot aramî gyan
Wek pepûle ke bo agir
Xoy ber eda le hemû gir
Ba namekeşim wek dilim
Têy ber bê agir û helm
Ew desteyey ke esûtê
Jîlemoyekî bo nûsê