خەیاڵی ئاگرین

دڵم مەستی خەیاڵی ئاگرینە
خەریکی ئاه و ناڵین و گرینە
کە ئاوارە و پەرێشانت نەدیوە
وەرە سەوداسەری عاشق ببینە

ئەمن سەوداسەری عیشقم بزانە
مەلی دڵ بووەتە بەندی ئاو و دانە
بەهاری من دەمێکە تۆم لە لا نێ
بەبێ تۆ نەوبەهاریشم خەزانە

ئیلاهی چاوەڕێی دیداری یارم
پەرێشان و خەفەتبار و هەژارم
نییە چارەم لە چارەی تۆ زیاتر
بکە ڕەحمێک بە حاڵم دەردەدارم
دڵم مەستی خەیاڵی ئاگرینە
خەریکی ئاه و ناڵین و گرینە

Dilim mestî xeyalî agirîne
Xerîkî ah û nalîn û girîne
Ke aware û perêşanit nedîwe
Were sewdaserî ’aşiq bibîne

Emin sewdaserî ’îşqim bizane
Melî dil buwete bendî aw û dane
Beharî min demêke tom le la nê
Bebê to newbeharîşim xezane

Îlahî çawerêy dîdarî yarim
Perêşan û xefetbar û hejarim
Nîye çarem le çarey to zyatir
Bike rehmêk be halim derdedarim
Dilim mestî xeyalî agirîne
Xerîkî ah û nalîn û girîne