عیشق و ئازادی (ئەگەرچی شەو درەنگە) - بێ مۆسیقا

ئەگەرچی شەو درەنگە ساقی بۆم تێکە کەمێکی تر
کە وا ئیمشەو سەری هەڵدا لە ناخمدا خەمێکی تر

لە بادە ئەم ژەمە تێر کە منی تینووی جگەرسووتاو
لە بادە ئەو ژەمە تێر کە منی تینووی جگەرسووتاو
بە چی دیارە کە دەیبینم شەوێکی تر، ژەمێکی تر

ئەوەندە دەردەدار و بێ پەرستارم کە پێم وایە
لەسەر کێکی تەمەمن هەڵناکرێ تازە شەمێکی تر
گەلێکم ڕۆژگاری تاڵ و شیرین ڕابوارد، ئاخۆ
مەرگ مەودا دەدا دیسان ببینم سەردەمێکی تر!
گەیشتمە سەر ترۆپکی ئارەزوو ڕۆژێ، کەچی ڕوانیم:
لە پێشمدایە زەرد و ماه و سەخت و ئەستەمێکی تر
هەتا چارشێو بەسەر تۆوە دەبینم نازەنینی کورد
بەسەر بیبیلەکەی چاوی منا دەکێشێ* تەمێکی تر
نەما 'خانی' هەتا چیڕۆکی عیشقی ئێمە داڕێژێ
دەنا هێشتا لە کوردستان دەژین 'زین و مەم'ێکی تر

‌هۆنراوە: هێمن
*= لە هۆنراوەی شاعیردا "دەکشێ" هاتووە.

Egerçî şew direnge saqî bom têke kemêkî tir
Ke wa îmşew serî helda le naxmida xemêkî tir

Le bade em jeme têr ke minî tînûy cigersûtaw
Le bade ew jeme têr ke minî tînûy cigersûtaw
Be çî dyare ke deybînim şewêkî tir, jemêkî tir

Ewende derdedar û bê peristarim ke pêm waye
Leser kêkî tememin helnakirê taze şemêkî tir
Gelêkim rojgarî tal û şîrîn rabward, axo
Merg mewda deda dîsan bibînim serdemêkî tir!
Geyştime ser tiropkî arezû rojê, keçî rwanîm:
Le pêşmidaye zerd û mah û sext û estemêkî tir
Heta çarşêw beser towe debînim nazenînî kurd
Beser bîbîlekey çawî mina dekêşê* temêkî tir
Nema 'xanî' heta çîrokî ’îşqî ême darêjê
Dena hêşta le kurdistan dejîn 'zîn û mem'êkî tir

‌honrawe: hêmin
*= le honrawey şa’îrda "dekşê" hatuwe.