شەواژوو

بیلەم ک لەوای نمنم واران، بگیرم
چۊ کەوک خەریو لا نساران، بگیرم
هەی قامەت چەمیای چنارەیل، م بیلن
چۊ نەی ل کە شوون لەش داران، بگیرم
بیلا ک وەهار بایدو شەواژوو بکەیمن
هاوڕاز شەو شیشمەغاران، بگیرم
هەی هاوڕی دڵتەنگی نیمەشەوەیلم!
تا کەی م لە سای زڵف شەواران، بگیرم؟
یا ئەزرەت ڕووژەیل جوانی، چە پێد هات؟
ئمشەو م توام، هەم جوور جاران، بگیرم

Bîlem k leway nimnim waran, bigîrim
Çü kewk xerîw la nisaran, bigîrim
Hey qamet çemyay çinareyl, m bîln
Çü ney li ke şûn leş daran, bigîrim
Bîla k wehar baydu şewajû bikeymin
Hawraz şew şîşmexaran, bigîrim
Hey hawrî diltengî nîmeşeweylim!
Ta key m le say zilf şewaran, bigîrim?
Ya ezret rûjeyl cwanî, çe pêd hat?
Imşew m twam, hem cûr caran, bigîrim