مەستی بادەی غەزەلم

مەستی بادەی غەزەلم سەرکەش و مەستانە دەڕۆم
ژیلەمۆی باغی شەمم شەو وەکوو پەروانە دەڕۆم
دەچمە ناخی گڕی پڕتینی ئەوینی دڵەکەم
هەر وەکوو پەروانە لەسەر وەعدە و پەیمانە دەڕۆم

مەلی دەریام و لەسەر پێلی خەفەت دێم و دەچم
نیمە باکێ لە خەتەر بەو دڵە پڕ ژانە دەڕۆم
مەنزڵم شوێنێکە ڕێگەی پڕی خۆف و خەتەرە
بۆسەیە و کەوتوومە ناوی گورج و جانانە دەڕۆم
دەچمە ناخی گڕی پڕتینی ئەوینی دڵەکەم
هەر وەکوو پەروانە لەسەر وەعدە و پەیمانە دەڕۆم
مەستی بادەی غەزەلم سەرکەش و مەستانە دەڕۆم
ژیلەمۆی باغی شەمم شەو وەکوو پەروانە دەڕۆم

من بەرەو ژوانی گوڵم دام لە شەقەی باڵی ئەوین
تەشنەیی ئاوی ژیانم دەس و پەیمانە دەڕۆم
تەیری بەختی من بەرەو ئاسۆ خووشی بە بێ وەستان
مەست و دێوانەم بەرەو مەنزڵ و مەیخانە دەڕۆم
مەستی بادەی غەزەلم سەرکەش و مەستانە دەڕۆم
ژیلەمۆی باغی شەمم شەو وەکوو پەروانە دەڕۆم

هۆنراوە: شاهۆ موکریانی

Mestî badey xezelim serkeş û mestane derom
Jîlemoy baxî şemim şew wekû perwane derom
Deçme naxî girî pirtînî ewînî dilekem
Her wekû perwane leser we’de û peymane derom

Melî deryam û leser pêlî xefet dêm û deçim
Nîme bakê le xeter bew dile pir jane derom
Menzilim şwênêke rêgey pirî xof û xetere
Boseye û kewtûme nawî gurc û canane derom
Deçme naxî girî pirtînî ewînî dilekem
Her wekû perwane leser we’de û peymane derom
Mestî badey xezelim serkeş û mestane derom
Jîlemoy baxî şemim şew wekû perwane derom

Min berew jwanî gulim dam le şeqey balî ewîn
Teşneyî awî jyanim des û peymane derom
Teyrî bextî min berew aso xûşî be bê westan
Mest û dêwanem berew menzil û meyxane derom
Mestî badey xezelim serkeş û mestane derom
Jîlemoy baxî şemim şew wekû perwane derom

Honrawe: şaho mukiryanî