هەر دەژیم

هەر دەژیم و سەربڵندم تاکو ڕۆژی مردنم
من بە پێوە گیان ئەدەم قەت ناکەوم بۆ دوژمنم
من لەسەر بستووی ژیانا کۆنەدارم نانەوم
من قەڵای ئەرکم بە تۆپی ڕووس و عوسمان ناکەوم

گەر تەواوی تاروپۆی ژینم لەبەریەک هەڵبڕی
جەرگی خۆم و لاوەکانم هەر وەکوو گورگ هەڵدڕی
گەر بە خوێنی جەرگی خۆم سووری بکەم من دیمەنم
ملکەچت نابم دەبێ بمری بە مەرگت پێکەنم

گەر منداڵ و دایک و بابم تۆ بخەیتە ناو کڵت
شەرتە ئاخێکیش نەکێشم داخ بنێمە سەر دڵت
من دەگەڵ تۆ دوژمنی کورد هەر سەری جەنگم هەیە
تاکو سەرکەوتن بەشەڕ دێم قەسد و ئاهەنگم هەیە

هۆنراوە: ڕەسووڵ کەریمی (سووتاو)

Her dejîm û serbilindim taku rojî mirdinim
Min be pêwe gyan edem qet nakewm bo dujminim
Min leser bistûy jyana konedarim nanewm
Min qelay erkim be topî rûs û ’usman nakewm

Ger tewawî tarupoy jînim leberyek helbirî
Cergî xom û lawekanim her wekû gurg heldirî
Ger be xwênî cergî xom sûrî bikem min dîmenim
Milkeçit nabim debê bimrî be mergit pêkenim

Ger mindal û dayk û babim to bixeyte naw kilit
Şerte axêkîş nekêşim dax binême ser dilit
Min degel to dujminî kurd her serî cengim heye
Taku serkewtin beşer dêm qesd û ahengim heye

Honrawe: resûl kerîmî (sûtaw)