ئارەزووی بینینی تۆم کرد

ئارەزووی بینینی تۆم کرد
دڵ لە پڕدا کەوتە حاڵ
هەستی کرد جوانی بەهار و
هاتە گوێم نەغمەی شەماڵ
بوو بە کڵپە تۆی دەروون
و یادگاری ساڵ بە ساڵ
هاتە بەرچاوم نگاری
پرچی کاڵ و لێوی ئاڵ

ئەی فریشتەی سیحری خوایی
وێنە شیرین، شێوە زار
گیانەکەم دیسان بە تۆوە
کەوتمە گێژاوی خەیاڵ
بەژن و باڵات، کەرتی ئەندامت
لە ڤینۆس سەندووە
ڕەوت و پیاسەت ڕەوتی لەنجەی
ئاسکە یاکوو کەوە

پێکەنینت سیحری ڕووتە
هۆش و دڵمی بردووە
خوا یەکە، ئەو جووتە لێوەی
بۆ مژین، ئاڵ کردووە!
ناوت ناهێنم پەری ناسک لە ترسانا، نەوا
پێم بڵێی دڵدارەکەم بێ...
بێشەرمە، چەن بێ ئابڕووە!

Arezûy bînînî tom kird
Dil le pirda kewte hal
Hestî kird ciwanî behar û
Hate gwêm nexmey şemal
Bû be kilpe toy derûn
Û yadgarî sal be sal
Hate berçawim nigarî
Pirçî kal û lêwî al

Ey firîştey sîhrî xwayî
Wêne şîrîn, şêwe zar
Giyanekem dîsan be towe
Kewtme gêjawî xeyal
Bejin û balat, kertî endamit
Le vînos senduwe
Rewt û piyaset rewtî lencey
Aske yakû kewe

Pêkenînit sîhrî rûte
Hoş û dilmî birduwe
Xwa yeke, ew cûte lêwey
Bo mijîn, al kirduwe!
Nawit nahênim perî nasik le tirsana, newa
Pêm bilêy dildarekem bê
Bêşerme, çen bê abruwe!