چاوەکانت بێدەنگ ئەدوێن

چاوەکانت بێ دەنگ ئەدوێن
نیگا ئەکەن زۆر شت ئەڵێن
ئەوەی بە دەم نایدرکێنی
ئەوەی لات بۆتە نهێنی
هەر کاتێ سەرنجیان ئەدەم
ئاشکرا لێیان تێ ئەگەم

چاوەکانت جووتێ خۆرن
وان بە ئاسمانی دڵەوە
سروشت تیشکی لێ دزیون
وا بە ڕوومەتی گوڵەوە
گوڵیش بۆیە پێکەنیوە
خەندەی لە لێوت دزیوە

چاوەکانت جووتێ چران
بۆ ڕووناکی ڕێم هەڵکران
لە ڕێی سەختی بەرەو ژوورا
بە شوێن هیوای بەرز و دوورا
نیگایان وزە و تینمە
تێشووی سەفەری ژینمە!!!

Çawekanit bê deng edwên
Nîga eken zor şit elên
ewey be dem naydirkênî
ewey lat bote nihênî
her katê sernciyan edem
Aşkira lêyan tê egem

çawekanit cûtê xorin
Wan be asmanî dilewe
Siruşt tîşkî lê dizîwin
Wa be rûmetî gulewe
Gulîş boye pêkenîwe
Xendey le lêwit dizîwe

çawekanit cûtê çiran
Bo rûnakî rêm helkiran
Le rêy sextî berew jûra
Be şiwên hîway berz û dûra
Nîgayan wize û tînme
Têşûy seferî jînime