خەستە و بیمارم

ناوت شیرینە گوڵی ژیانی
ڕەمزی ئەوین و گوفت و بەیانی
سەرچاوەی عیشقی پیرۆزی منی
مەرحەمی زام و چارەی برینی

ئاواتی دووری هەر ڕێبوارێکی
تراوکەی هیوای تەشەندارێکی
بەستەی بەسۆزی دەردەدارێکی
ناڵەی دەروونی دڵ زامدارێکی

دەنگی پڕ ئاهی کونی شمشاڵی
گوڵاڵەی هیوای ڕەنگ سوور و ئاڵی
تاسەی و ئارەزووی سەردەمی لاوی
پرشەنگی ڕۆژی بە تین و تاوی

بێکەس و تەنیا ڕنج بە خەسارم
هیوایێک بدە بەو دڵی زارم
ئەی بووکی هیوا، هیوام بە تۆیە
بێ بۆنی خۆشت دڵ ڕەنجەڕۆیە

Nawit şîrîne gulî jyanî
Remzî ewîn û gufit û beyanî
Serçawey ’îşqî pîrozî minî
Merhemî zam û çarey birînî

Awatî dûrî her rêbwarêkî
Tirawkey hîway teşendarêkî
Bestey besozî derdedarêkî
Naley derûnî dil zamdarêkî

Dengî pir ahî kunî şimşalî
Gulaley hîway reng sûr û alî
Tasey û arezûy serdemî lawî
Pirşengî rojî be tîn û tawî

Bêkes û tenya rinc be xesarim
Hîwayêk bide bew dilî zarim
Ey bûkî hîwa, hîwam be toye
Bê bonî xoşt dil renceroye