من دەڵێم

من دەڵێم شاری دڵم باغ و گوڵستانە دەچم
عەقڵ ئەڵێ ناپەسە شۆڕشی مەستانە نەچی

من دەڵێم نوختەیی ئەو ڕەوزەنی ئیمانە دەچم
ئەو دەڵێ نا ڕەشە جێ ڕاوگەیی شەیتانە نەچی

من دەڵێم مەسکەن و ئارامگەیی جانانە دەچم
ئەو دەڵێ سەربەسەری تێک چووە، وێرانە نەچی

من دەڵێم جێگەیی هەر شێت و جنوونانە دەچم
ئەو دەڵێ کون کونە جێگەی سەرە پەیکانە نەچی

من دەڵێم مەرکەزی ئەسراری حەریفانە دەچم
ئەو دەڵێ جێ تەمەعی چاوی حەسوودانە نەچی

من دەڵێم وەختی خەتەر مەئمەن و قەڵغانە دەچم
ئەو دەڵێ نا زەدەیی پەنجەیی پەریانە نەچی

لەو هەموو چوون و نەچوونە سەری سووڕ ما ????کامیل????
من دەڵێم جوانە دەچم، ئەو  دەڵێ  وا جوانە نەچی

Min delêm şarî dlim bax û gulistane deçim
eqil elê napese şorşî mestane neçî

Min delêm nuxteyî ew rewzenî îmane deçim
Ew delê na reşe cê rawgeyî şeytane neçî

Min delêm mesken û aramgeyî canane deçim
Ew delê serbeserî têk çuwe, wêrane neçî

Min delêm cêgeyî her şêt û cnûnane deçim
Ew delê kun kune cêgey sere peykane neçî

Min delêm merkezî esrarî herîfane deçim
Ew delê cê temeyî çawî hesûdane neçî

Min delêm wextî xeter memen û qelxane deçim
Ew delê na zedeyî penceyî peryane neçî

Lew hemû çûn û neçûne serî sûr ma ????Kamîl????
Min delêm ciwane deçim, ew delê wa ciwane neçî