گوێم بۆ ڕادێرە

گوێم بۆ ڕادێرە بەس تەنها ئەمشەو
لە دوو دیدەی من میوان نابێت خەو
بەس تەنها ئەمشەو تۆ میوانم بە
هەڵگری نازی هەست و سۆزم بە
ڕایژێنە تاوێ بێشکەی دڵی من
دامرێنەوە کوڵی گریەی من

تۆ بووی ئاودێری باخی دەروونم
ئیلهامی شیعری بەستەی ئەوینم
چۆن دەستت تێی چوو ئەو باخە جوانە
وا پێشێلی کەی بی بەزەییانە
ئەم حەزە دیلە ڕوو بکا بەرەو کوێ
ئاهی ئەشکی من ئۆباڵی بە کێ

بێ سۆراخ و شوێن وا بووم سەرەڕۆ
بووم بە هەڵگری بارگەی خەمی تۆ
چۆن دڵت توانی دڵم بشکێنێ
داستانی عەشقم هەرەس پێ بێنێ
ئەو سوێ هەتا سەر لە دڵم دەرناچێ
بێ وەفایی تۆم هەر لە یاد ناچێ

Gwêm bo radêre bes tenha emşew
Le dû dîdey min mîwan nabêt xew
Bes tenha emşew to mîwanim be
Helgirî nazî hest û sozim be
Rayjêne tawê bêşkey dilî min
Damrênewe kulî giryey min

To bûy awdêrî baxî derûnim
Îlhamî şî’rî bestey ewînim
Çon destit têy çû ew baxe cwane
Wa pêşêlî key bî bezeyyane
Em heze dîle rû bika berew kwê
Ahî eşkî min obalî be kê

Bê sorax û şwên wa bûm serero
Bûm be helgirî bargey xemî to
Çon dilit twanî dilim bişkênê
Dastanî ’eşqim heres pê bênê
Ew swê heta ser le dilim dernaçê
Bê wefayî tom her le yad naçê