ئەی یارم (لەنگۆ یار پەیدا نابێ)

لەنگۆ یار پەیدا نابێ پەیدا بێ وەفای نابێ
سەد ساڵ خونچە بپشکوێ بێ بولبول بەهار نابێ
چ بکەم دڵ گرتوویەتی بە کەس تەوەلا نابێ
ئەی یارم وەی وەی یارم ئای لە یارەی وەفادارم
بەو سوێندەی بۆ منت خوارد لەسەر قەولی پێرارم

فەسڵێکی گەلێک خۆشە نێوان مانگی بەهاران
کوێستان دەڕازێنەوە خێڵ هەڵدەکشێن بۆ بناران
دوو شت یەکجار زۆر خۆشە بۆ سێبووری دڵداران
گەڕەلاوژەی شەوانە و هەڵپەڕینی ئێواران
ئەی یارم وەی وەی یارم ئای لە یارەی وەفادارم
بەو سوێندەی بۆ منت خوارد لەسەر قەولی پێرارم

نەخۆش و دەردەدارم ئازار نییە دەردی تۆیە
چارەم ناکەن حەکیمان شیفام بە دەستی تۆیە
ڕوو لە هەر جێیەک دەکەم تاریفی جوانی تۆیە
ئەی یارم وەی وەی یارم ئای لە یارەی وەفادارم
بەو سوێندەی بۆ منت خوارد لەسەر قەولی پێرارم

Lengo yar peyda nabê peyda bê wefay nabê
Sed sal xunçe bipşikiwê bê bulbul behar nabê
Çibkem dil girtûyetî be kes tewela nabê
Ey yarim wey wey yarim ay le yarey wefadarim
Bew swêndey bo minit xward leser qewlî pêrarim

Feslêkî gelêk xoşe nêwan mangî beharan
Kwêstan derazênewe xêl heldekşên bo binaran
Dû şit yekcar zor xoşe bo sêbûrî dildaran
Gerelawjey şewane û helperînî êwaran
Ey yarim wey wey yarim ay le yarey wefadarim
Bew swêndey bo minit xward leser qewlî pêrarim

Nexoş û derdedarim azar nîye derdî toye
Çarem naken hekîman şîfam be destî toye
Rû le her cêyek dekem tarîfî cwanî toye
Ey yarim wey wey yarim ay le yarey wefadarim
Bew swêndey bo minit xward leser qewlî pêrarim